Það er mikið rætt um fjárhagsástandið hér á Íslandi. Mest er að sjálfsögðu fókuserað á neikvæðu hlutina. Ég efa það ekki að margir hafa farið illa útúr hlutunum, misst vinnu og þannig. Það fólk á allt gott skilið og óska ég alls hins besta.
En hvenær er maður orðinn blankur? Ég held að ansi margir séu að væla um blankheit sem þurfa að lækka aðeins hjá sér lifistandardinn.
Fólk þarf t.d ekki að væla þó að:
1. Þó að það geti ekki farið í utanlandsferð á hverju ári
2. Það geti ekki endurnýjað Landcruiserinn annað hvert ár
3. Þó það geti ekki keypt ný húsgögn í Casa
4. Þó það geti ekki farið út að borða á Argentínu í hverjum mánuði
5. Þó það geti ekki sent barnið í fimleika, fiðlutíma, ballet og á Dale Carnegie
6. Þó það geti ekki keypt sér iPhone síma alveg strax
7. Þó það geti ekki keypt dýrasta gasgrillið á markaðnum
Fólk verður stundum að sætta sig við hlutina eins og þeir eru. Það þarf ekki alltaf að gera allt mest og best og ýktast og flottast. Sjálfur var ég ekki alinn upp við mikinn auð og tel mig búa vel af þeirri reynslu. Ég veit á hverju ég hef efni og hverju ekki.
Ég væri nú alveg til í að endurnýja bílinn, þó ég eigi ekki landkrúser. Ég hef hins vegar aldrei haft smekk fyrir húsgögnum úr Casa, svo þar er ég heppin.
Ég segi að ég sé orðinn blankur þegar ég á ekki lengur fyrir mínútunúðlum til að éta...
Ég er orðinn svo blankur að ég þurfti að endurnýja minn landcruiser á afborgunum. En vonandi eru þetta bara tímabundin blankheit.
http://deetheejay.blogspot.com/2010/11/barattusongur-borgaralega.html
Ég er blönk þegar það er 500 kall í veskinu og núll krónur í bankanum.
En mér finnst þó betra að vera blönk í aurum talið en að vera blönk á sálinni sem hrjáir flesta íslendinga í dag.
Svo voru að sjálfsögðu margir á óðæristímunum sem tóku lán og tóku lán fyrir allskonar óráðsíu. Kaupandi stóreflis einbýlishús fyrir kanski 3ja manna fjölskyldu.
Ætli ég teljist ekki efnislega blankur þegar ísskápurinn er tómur, vínskápurinn gleymdur, yfirdrátturinn mættur og afborganir lána komnar yfir eindaga.
Annars prísar maður sig sælan yfir því að enn er grasið grænt og maður getur alltaf farið út á tún að japla.
Jeg fer að læra tölvunarfræði í sumar til að geta framfleytt mjer og síðar læri jeg meira til að komast yfir meiri pening.
Heppinn jeg. Pabbi aðstoðar mig fjárhagslega með námið......
eitt af því allra heimskulegasta og vitlausasta sem gáfaður maður getur gert og hver sem er sem ætlar að teljast eitthvað skynsamur , er að aðstoða einhvern sem eysur yfir aðra manneskju svívirðingum og kallar hana m.a. ´óþolandi gerpi´í þeim eina tilgangi að brjóta niður sjálfsímynd viðkomandi.
Betra að slík manneskja sé peningalaus heldur en að hún eigi peninga sem hún gæti notað til þess að gera eitthvað svona við aðra.