Síðasta föstudagskvöld þá horfði ég með öðru auganu á verðlaunaafhendinguna "Scream awards" á Skjá 1. Þarna var verið að verðlauna fyrir ýmis afrek á svið hryllingsmynda, vísindamynda og ævintýramynda. Sumsé kvikmyndir sem eru tæpast taldar nægilega "fínar" að mati kvikmyndaspekinga. En það er annað mál. Þarna voru sýnd ýmis myndbrot þar sem skrímsl, limlestingar og blóðbað ýmskonar lék stórt hlutverk. Mörg hver voru þau æði ósmekkleg. Ekki samt svo að skilja að þetta hafi valdið mér einhverjum komplexum eða martröðum. Hitt fannst mér hallærislegt að ef einhver sagði orð eins og "fuck" þá var pípað yfir það. Það er semsagt verra í henni Ameríku að heyra hið skelfilega orð "fuck" en að sjá fólk sundurhlutað og étið af uppvakningum. Er þetta eðlilegt?
Jájá.. Þegar maður verður sjálfur blóðþyrstur uppvakningur þá þarf maður samt að passa orðalagið.
Já þetta er fullkomlega eðlilegt í usa, Hvernig getur maður verið ósammála 300 milljónum [glottir einsog fífill]
Kannski, kannski ekki. Ég býst við að við myndum sperra eyrun ef að í annarri hvorri setningu væri orðin ríða, mök eða serðingar.