Það var hérna síðasta fimmtudagskvöld að ég var að taka til. Þá hringdi síminn minn. Ég kannaðist nú ekkert við númerið. Var svona næsta viss um að þetta væri Gallúpp, Mogginn eða verið að biðja mig um styrk til holugraftar fyrir heimilislausar kanínur eða eitthvað viðlíka. Það var að vísu verið að biðja mig um frammlag, en ekki peninga.

Þannig var nefnilega fyrir nokkrum árum, 2004 - 2005 þá skrifaði ég nokkur ljóð inná síðu sem kallast ljod.is. Maðurinn í símanum var sumsé að falast eftir einu ljóða minna, ljóðið Gleymdur koss, í bók sem koma mun út fyrir jólin. 100 ljóð eftir 100 höfunda. Auðvitað samþykkti ég þetta, enda finnst mér það heiður að fá að vera með í einhverju svona. Ég verð nú að setja ljóðið hérna inn líka

Gleymdur koss

Sem lítið snjókorn
ég kyssti þína kinn
bráðnaði...
og þú gleymdir mér strax

Það skal til glöggvunar geta þess að þetta, og hin ljóðin sem ég setti þarna inn eru ort áður en ég kynntist Nóttuni minni. Þessvegna er stíllinn á köflum aðeins í þunglindari kanntinum.