Í gærkvöldi fór ég í leikhúsið. Fór á sýninguna "litla hryllingsbúðin" hjá Leikfélagi Akureyri. Ég get ekki sagt annað en að ég skemmti mér öndvegis vel. Ég gat varla fundið galla á sýningunni. Leikarar stóðu sig vel í leik söng og dansi.

Leikritið segir frá hinum lítlláta Baldri sem vinnur í blómabúð Herra Músnikks sem staðsett er í heldur lélegu hverfi. Þar eru mest megnis einungis vændiskonur og rónar. Hann ber ást í brjósti til hinnar grunnhyggnu Auðar sem einnig vinnur í blómabúðinni. Inní allt blandast svo hin stórfurðulegi sadíski tannlæknir Broddi, unnusti Auðar sem er illur og ofbeldisfullur. Dag einn breytist allt þegar baldur kemst yfir dularfulla plöntu sem hann nefnir Auði II. Það er planta sem er ekki öll þar sem hún er séð.
Guðjón Davíð Karlsson túlkar hin ljúfa Baldur með afbrygðum trúverðuglega og finnur maður til samkendar með honum.
Eins og áður segir standa leikarar sig vel.
Vigdís Hrefna Pálsdóttir er bráðskemmtinleg sem hin einfalda Auður. Gamla brýnið Þráinn Karlsson er skotheldur sem hinn önuglindi herra Músnik. Einnig er Jóhannes Haukur Jóhannesson frábær í nokkrum hlutverkum, m.a sem hin skelfilega illi tannlæknir.

Andrea Gyladóttir talar og syngur fyrir plöntuna Auði II og stendur sig stór vel, enda er hún ein besta söngkona Íslands og þó víða væri leitað. Þetta er sumsé þrusu sýning sem ég mæli með að allir sjái.

Leikstjórn: Magnús Geir Þórðarson
Leikmynd og búningar: Halla Gunnarsdóttir
Tónlistarstjórn: Kristján Edelstein
Lýsing: Björn Bergsteinn Guðmundsson
Danshöfundur: Ástrós Gunnarsdóttir

Hljóðhönnun: Gunnar Örn Sigurbjörnsson, Brúðuhönnun: Bernd Ogrodnik, Listræn ráðgjöf: Snorri Freyr Hilmarsson.
Upphaflega sviðsett af WPA leikhúsinu (framleiðandi: Kyle, Renick)

Leikarar: Andrea Gylfadóttir, Vigdís Hrefna Pálsdóttir, Guðjón Davíð Karlsson, Jóhannes Haukur Jóhannesson, Þráinn Karlsson, Álfrún Helga Örnólfsdótir, Esther Talía Casey, Ardís Ólöf Víkingsdóttir og Guðjón Þorsteinn Pálmarsson.