Uppskrift fyrir metnaðralausa og lata heimiliskokka.
Takið rolluhakk úr frysti og látið þiðna á eldhúsborðinu: Ef köttur er á heimilinu, gætið þess þá að setja lok annað hvort yfir köttinn eða kjötið. Skerið kjötið í fingurþykkar sneiðar þegar það er orðið vel þýtt. Setjið sneiðarnar á snark heita pönnu með Ljóma smjörlíki. Kryddið vel með Season All, til dæmis það þykkt lag að það sjáist ekki í kjötið. Steikið vel og lengi.
Hálft kíló rolluhakk
Season All eftir smekk
Ljóma Smjörlíki
Með þessum rétti er gott að bera fram ákavíti og snæða á hvítum hlýrabol með vinum séu þeir fyrir hendi.
Verði ykkur að góðu
Bíddu bíddu... hvernig sker maður hakk í fingurþykkar sneiðar? Er það ekki þúst... hakkað?
Lepja: Ég er stelpa og mér finnst svona ljómandi gott. En af einhverjum ástæðum er alltaf sett lok á mig þegar svona er eldað.
Erfðaprinsinn minn elskulegur, nánar tiltekið gelgja, er hrifinn af svona, en eingöngu ef hann getur keypt það á yfirlýstri skyndibitabúllu.
Þetta á vel heima í uppáhaldsmatreiðslubók minni; The treasury of white trash cooking.
Loksins! Loksins! Uppskrift af lelluskuðum! [Fer og tekur rolluhakksrúllu úr frysti]