Röfl um þunglyndi og ritstíflur sem það veldur
[Röfl]
Nú hef ég gengið hér meðal Baggalútsfólks í nokkurn tíma. Engin hafa komið félagsritin þótt mikið hafi verið reynt.
Hvers vegna?
Jú ég þjáist af þunglyndisgöllum nokkrum. Oft hef ég skrifað heilu síðurnar og svo sagt: "Uss þetta stenst nú enga staðla hér. Hér skrifa hvílíkir snillingar vísur og kvæði og pistlinga um áhugaverða hluti, og svo ætlar þú að fara að röfla um þetta! Uss segi ég!" Og svo er innlegginu eytt.
Nú hef ég ákveðið að ég geti ekki staðið í þessu lengur. Of lengi hefur Hundslappadrífan hopað undan sjálfri sér. Nú skal reynt að skrifa af og til, því æfingin skapar jú meistarann og besta leiðin til að vinna á Þunglyndispúkanum er að skapa. Betra er að skrifa ræfilsslega en ekki neitt. Gagnrýnin kennir manni tökin á þessu.
Skal það nefnt að títt röfl meðal frjórra Baggalútsmeðlima hefur undraverð áhrif á geðheilsu mína.
[/Röfl]
Flott! Ekki hafa öll mín félagsrit verið innihaldsrík... né fræðandi.
Skrifaðu bara ef þér dettur það í hug!
Þetta er nú bara mjög gott félagsrit að mínu mati. En þó ekki eins gott og félagsritið mitt sem heitir Án titils [glottir eins og fífl]
Það má finna hér: http://www.baggalutur.is/profile.php?mode=viewprofile&u=1625
Mér finnst það ágætis stefna hjá þér að skrifa ræfilsleg fégagsrit, þessi löngu eru ekkert endilega innihaldsíkari eða skemmtilegri.
Takk takk, svona er þetta alltaf, maður kvíðir og kvíðir og svo er ekkert að kvíða yfir [gleiðbros]
Mér finnst þetta mjög gott hjá þér og margi mega taka mark á þessu. Maður verður auðvitað að vanda sig þegar maður skrifar félagsrit en ekki svo mikið að maður skrifi ekkert.
Já, tek undir það sem hér hefur verið sagt. Það er algjör óþarfi að vera hræddur um einhverja áfellisdóma hér - hérna er öllum tekið eins og þeir eru.
Nei Sundlaugur minn, enda ekki við að búast það kemur bara með æfingunni.
Mikið rétt, Hundslappadrífa í neðra (má kalla þig Drífu?). Æfingin skapar meistarann. Þess er ég svona góður í sundi og glímu.