Nú jæja, ég hafði hrósað nýju vinnunni minni í sífellu í seinasta félagsriti. Ég er ekki að fara að taka þau hrós til baka.. En dagurinn í dag var ekki minn dagur.

Ég var kölluð mella þrisvar í dag.

Það datt 50 kg kassi á tærnar á mér í dag.

Hundur beit mig.

Maður lamdi mig í hnéð með hamri í þeim tilgangi að laga mig, því ég sagði góðan dag í staðin fyrir gott kvöld. Mér er enn illt.

Og svo kallaði einhver "AULI" á mig þegar ég var að fylla á, þegar ég sný mér við sé ég engan, ég væri til í að fá að vita hver það var.

Ég var sú eina sem mætti með jólasveinahúfu af starfsfólkinu, þrátt fyrir að rætt hafði verið um að allri myndu mæta með eina.

Ég gleymdi að fara í brjóstarhaldara.

Ég var í of þykkri peysu svo að ég svitnaði eins og svín (hef ekki hugmynd um hvort svín svitna, en þið skiljið að ég svitnaði mikið).

Það var klipið í rassinn á mér, ég veit ekki hver það var.

Ég ætlaði að klípa í rassinn á vinkonu minni og samstarfsmanni en ég kleip í rassinn á kúnna, sem betur fer hafði hún húmor.

Ég er auli kæru gestapóar!