Fjárausturbæjarsamtökin voru stofnuð af brýnni nauðsyn. Þótt jafnan hafi mikið verið um austur í Austurbænum, hefur þar aldrei tíðkast fjáraustur. Úr þessu skal nú bætt.

Fjárausturbæjarsamtökin fjármagna starfsemi sína með styrkjum frá ríkinu. Þau eru, eins og sagt er, á spenanum. Það má skýra á einfaldan hátt með litlu dæmi: Kálfar sjúga spena mæðra sinna og fá þannig allt sem þeir þurfa, án þess að vinna á nokkurn hátt sjálfir fyrir því. Það væri ekki eins heppilegt að nefna konur og börn sem dæmi vegna þess að það er talað um geirvörtur á konum.

Stjórn Fjárausturbæjarsamtakanna aulglýsir hér með eftir tillögum að framkvæmdum sem hafa í för með sér fjáraustur í Austurbænum. Það er býsna margt sem mætti láta sér til hugar koma. Mér kemur fyrst í hug hjólreiðabraut úr Norðurmýrinni upp í Háteigskirkju með mislægum gatnamótum við Flókagötu og Meðalholt. Eins mætti láta sér detta í hug golfvöll á Klambratúni með niðurrifi Kjarvalsstaða. Golfvöllurinn yrði síðan úreltur með miklum tilkostnaði og Kjarvalsstaðir endurreistir.

Leggjumst nú öll saman á eitt, eins og John Holmes sagði forðum.

Bölverkur, gjaldkeri Fjárausturbæjarsamtakanna.