Eðli:
Hverfill Kverül er af tyrkneskum aðalsættu frá Norður Anatólíu í föðurætt en af íslenskum aðalsættum úr Aðaldal í Suður Þingeyjarsýslu frá Aðalbæli í Aðalbælahreppi þar sem öll aðalbláberin eru. Föðurættin er raunar komin frá Askabad í Túrkmenistan og eru þeir Kverülanten, en svo er ættin nefnd, náskyldir Niasov Türkmenbasi. Aðalbælingar eru aftur á mót seinþreyttir til vandræða og eru sterk blóðbönd þeirra við Jónas Jónson frá Hriflu til marks um það. Sagt er að Jónas hafi verið staddur á Aðalbæli þegar Hverfill fæddist og sagði þá "Hver vill sjúss", en hann var að bjóða atkvæðum upp á hressingu og menn tóku hann á orðinu og skýrðu barnið Hvervil, sem breyttist í Hverfil í Laxárdeilunni.
Fræðasvið:
Hverfill hefur sérhæft sig í hverfulleika mannlegs máls. Hefur hann einkum rannsakað brenglanir sem verða á máli manna á leiðinni frá málvélinni iðrum heilans að hljóðgjafarlíffærum í koki og munni. Mun hann hugsa gott til glóðarinnar að taka fyrir rangt mál hér á vebbnum, sem jafna má við baggalýti.
Æviágrip:
Hverfill Kverül fæddist 21. marsmánaðar 1968, skömmu fyrir stúdentauppreistina í París, sem talið er að eigi rætur sínar að rekja til ólgu í Menntaskólanum á Akureyri þá um veturinn.. Hann gekk í Árskógarskóla, Barnaskóla Bárðdæla, Barnaskólann í Ólafsfirði, Borgarhólsskóla, Brekkuskóla, Dalvíkurskóla, Gagnfræðaskólann Ólafsfirði, Giljaskóla, Glerárskóla, Grenivíkurskóla, Grunnskóla Skútustaðahrepps, Grunnskólann á Raufarhöfn, Grunnskólann á Þórshöfn, Grunnskólann í Grímsey, Grunnskólann í Hrísey, Grunnskólann í Kópaskeri hjá Pétri Þorsteins, Grunnskólann í Lundi, Hafralækjaskóla, Hlíðarskóla, Hrafnagilsskóla sem nefndur er eftir Hrafna Gils, þeim kunna skólamanni, Húsabakkaskóla, Litlulaugaskóla, Lundarskóla, Oddeyrarskóla, Síðuskóla, Stórutjarnaskóla, Svalbarðsskóla, Valsárskóla, Þelamerkurskóla. Hverfill var ákaflega hverfull í skóla, eins og nafnið raunar ber með sér og hvarf mjög úr skóla og dúkkaði upp í öðrum skólum í héraðinu. Einna helst undi hann sér í Húsabakkaskóla í Svarvaðadal, sérstaklega eftir að Ragnar Stefánsson jarðskjálftafræðingur hugðist bæta við menntun sína og settist í skólann, en hefur ekki enn tekist að ljúka brottfararprófi. Stefnir nú í að skólinn verði lagður niður með Ragnari innanborðs og er þá ónýtt allt hans nám.Eftir þetta lá leið Hverfils í Húsmæðraskólann að Laugalandi í Öngulsstaðahreppi, en hann taldi mikilvægt að hafa vald á hagsýnum fræðum áður en hann helgaði sig fræðilegu námi að Hlíðardalsskóla með Össuri. Ekki vill þó Hverfill viðurkenna að Össur hafi verið undirmiga langt fram eftir aldri og jafnvel enn. Þó styður hann Ingibjörgu Sólrúnu ákaflega. Hverfli var hins vegar vikið úr skóla að Hríðardal fyrir prófsvindl, en hann gætti ekki að leggja frá sér smálegt eintak af Biblíunni sem hann bar jafnan á sér til heilla, þegar hann þreytti próf í Biblíusögum. Faðir Hverfils, Üldür Kverül, svindlaði honum eftir þetta í Menntaskólann að Laugarvatni, en þar var Üldür aðstoðarhúsvörður með Benjamín Halldórssyni. Hverfill varð brátt mjög handgenginn Dr. Haraldi Matthíassyni sem skrifaði doktorsritgerðina um “sem” og “er”. Skipti engum togum, að Hverfill fékk 10 í öllu sem Dr. Haraldur kenndi og dugði það honum til að ná 4,75 á stúdentsprófi og var hækkaður upp.Að stúdentsprófi loknu lá leiðinn beina leið í Iðnskólann í Vestmannaeyjum, þar hann lauk meistaranámi í dúklagningum á undra skömmum stíma (3,5 vikum) enda Árni Sigfússon og Árni Johnsen sérstakir vinir Hverfils. Hverfill hefur raunar lagt parket í allar byggingar sem báðir Árnarnir hafa haft yfir að ráða.Eftir þetta fór Hverfill til náms í Almennum Málvísindum og samanburðarmálfræði og lauk því með láði en ritgerð hans fjallaði um samanburð á gólfefnum í hænsnakofum, sem koma fyrir í fornum kvæðum í Avesta annars vegar og hins vegar í Sanskrít. Heiti ritgerðar Herfisls er: “Ananamajana virasitunitumi kyvajanavita uut” eða http://photos11.flickr.com/13293480_f84c07be03_o.jpg
