Í augum manneskjunnar
má lesa um allt sem horfið er
þar finnur þú rithönd dauðans
og fingraför hins nýfædda barns

Hvert auga er er himintungl
ljósopið er úrdráttur alheimsins
þar er letur vetrarbrautarinnar
og hræðslan við hið óþekta

Í augnabliki mankynsins
skýna örsmá ljós vonarinnar
upp næturhiminn hins eilífa ótta
og stjörnubjartar frostrósir næturinnar

Ljósopið er punkturinn í
svörtum spegli sálarinnar
þar speglast aska hinna dauðu
í hjarta hins ófædda barns

Þegar geyslar sólarinnar
ná ljósopi hins nýfædda barns
kveikist glóð kærleikans
í glytrandi augum mankynsins