Mér barst til eyrna upprisa míns gamla vinar Limbra og vildi bjóða hann velkominn aftur á lútinn með viðeigandi hætti.
Limbri ei í vitið stígur
enda mannvitshola
til déká komu margar kvígur
en kallinn, hann vill bola
Limbra litla kæra vin
líkja má við konu
sýgur, sleikir kall sem kvinn
eignast enga sonu
Lítið Laufblað strák einn elti
langan veg í burt
úr pútnahúsi pjallan velti
pils-í-klæddum durt
Argur Limbri er og ljótur
ég hann vil ei þekkja
í lítið laufblað hann er fljótur
litla limbr' að drekkja
Limbri ljót er talin baun
lítið barn og rola
Lítið laufblað er í raun
líka mannvitshola
Ef þetta er kunningjagrín, er það líklega misheppnað. Ef ekki, er þetta rætið.
Ef þetta er ekki tilefni til að "hrökklast aftur á bak og hrasa við" þá veit ég ekki hvað...
Órækja! Minn gamli kæri vin! Innilega er nú gott að sjá að þú ert á lífi.
[Ljómar upp]
Og enn ánægjulegra að sjá að þú manst eftir ræfilsgreyinu mér. Það fyllir hjartað varma að sjá að einhver hefur fyrir því að berja saman vísutetur um mann. Og að þær séu fleiri en ein er náttúrulega sérstaklega rausnarlegt af þér.
Ef ég nú bara kynni að kveða svo ég gæti launað þér umhyggjuna...
Ég veit!
Skal það hér með gert alkunna að Órækja er hér eftir réttdræpur á "Rifist á" þræðinum!
-
Mér finnst þetta fyndið... en það er nú kannski þar sem ég trúi ekki að þetta eigi að vera raunsönn lýsing á honum Limbra, eins mikill eðalsjentílmaður og hann er.
Einhverntíma las ég um þá kenningu fleygt að Baggalútar væru andstæður sínar í raunheimum.
Miðað við að Órækja virðist þekkja Limbra í raunheimum og miðað við að sannleikskorn leynist í kenningunni er Limbri ekkert nema óforskammaður drullusokkur í raunheimum.
Hver veit?
[Hrökklast afturábak og hrasar við]
Notum vjer þá aldrei þjeringar í raunheimum ? Og gerum jafnvel stafsetningarvillur svo margar að eigi verður tölu á komið ?
[Hrökklast aftur afturábak og hrasar við]
Eins og Ugla benti á var þetta of gott tilefni til að hrökklast afturábak og hrasa við til að því mætti sleppa. En varðandi inngang Órækju viljum vjer koma því á framfæri að hann mætti líka fara að huga að sinni eigin upprisu (nema tilgangur fjarverunnar sje að hindra að Limbri geti hefnt sín).