Nú þarf ég, eins og svo margir aðrir, að aka Reykjavík þvera og endilanga hvern morgun og fer því ekki varhluta af þeirri umferðarmenningu og "ég er að flýta mér, ekki þið" stemmingu sem skapast um áttaleytið á morgnanna. En á þeim tíma virðist manni stundum sem bifreiðafjöldinn í borginni sé meiri en fólksfjöldinn. En þetta eru nú ekk nýjar upplýsingar, ekki fyrir alvana borgarbúa í það minnsta. Það sem hefur aftur á móti vakið reiði mína undanfarnar vikur, eru vinir mínir og félagar á öskubílunum. Hví þurfa þessir mannfjandar að tæma öskutunnur á LÆKJARGÖTUNNI klukkan 7:50 á MIÐVIKUDAGSMORGNUM? Þarna teppa þeir alla umferð með sínum risarössum og gleðja alla sem eiga þar leið um. Er einhver sorphaugur sem sér um skipulagninguna á þessu? Hvert á ég að snúa mér til að fá þessa menn skotna?

Góðar stundir.