Í gær, er ég gekk úr vinnu að strætóstoppistöðinni í miðbæ Óðinsvéa sá ég skyndilega grá/brúna risavaxna skepnu í fjarska. Ég hrópaði upp yfir mig (á íslensku) “Sjáðu fílana!”
Mér til mikilla vonbrigða horfði danski almenningurinn á mig eins og ég væri tjúlluð, frekar en að horfa á fílana eins og ég stakk uppá. Ég flýtti mér niður götuna til að komast nær þessum ótrúlegu dýrum. Svo heppilega vildi til að ég var með myndavélina mina með mér. Þegar þú ert sú eina sem er með frekar stóra og svarta myndavél, á móti öllum eymingjalegu myndavélasímunm, færðu sjálfkrafa ákveðna virðingu sem gerði mér kleift að troða mér fremst.
Fílarnir voru tveir og ákaflega uppteknir við agúrkuát og ég gat klappað þeim að vild á meðan. Það voru engar keðjur né girðingar í kringum þá og eigendurnir voru eiginlega bara þarna til að moka upp skítinn þeirra. Þegar þeir voru búnir með gúrkurnar sínar fékk önnur kýrin svakalegan áhuga á Dolche&Gabbana töskunni minni, sem ég hafði lagt á jörðina fyrir framan mig, og fór að skoða hana nánar með rananum sínum. Þessi elska þekkir greinilega sín tískumerki.
Ég ýtti henni á endanum frá töskunni en þá fékk hún hinsvegar áhuga á mér í staðin og ákvað að skoða mig aðeins nánar. Kramdi mig næstum á milli sín og styttunnar sem ég stóð upp við. Forvitni litli fíll.
Þessum ótrúlegu kynnum mun ég aldrei gleyma og ef það er eitthvað til í því að fílar muni allt…mun hún ekki gleyma þeim heldur.
Aww en skemmtilegt. Vildi að ég hefði séð þessa sjón ó Odense um daginn þegar ég var stödd þar með frumburðinum mínum.
Elsku Lítla laufblað svo ljúft kærar þakkir þessa frásögn . Þó svo hún hafi verið stór og hrjúf hún vinkona þín þá skeyn hið mjúka eðli kvenkynsins úr augum hennar . Áfram stelpur !Knús fyrir frábært félagsrit
En æðislegt! Ég hitti fíla í opnum dýragarði á Spáni og fékk einmitt að klappa þeim og kynnast, þetta eru stórkostlegar skepnur.
Flott mynd líka!
Mér finnst myndin bara mynd af fíl, hins vegar finnst mér frásögnin af samskiptum ykkar fílanna [Glottir] (engar meiningar) hreinlega ljúfar og krúttdúllulegar... eins og samband hafi náðst.
[Ljómar upp]
Og vjer fílum fíla en eigi fíla fýlu og hvorki fýla nje fýla fýlu. Skál !
Dula, komstu alla leið hingað og kíktir ekki í heimsókn!?!
GEH þú ert ávallt yndislegur. Knús fyrir frábæra athugasemd
Anna, takk elskan, langaði bara að sýna ykkur þessa krúttibollu.
Það gleður mig að þessi frásögn hafi fallið í góðan jarðveg hjá ykkur hinum.
Þið eruð yndisleg! Skál!
Vá frábært! Hvílík heppni!
Æðislegt að klappa þeim, þeir eru svo skrítnir áferðar. Þegar ég var í Zambíu fór ég einmitt á fílabak og það var ein besta upplifun sem ég veit!