Undursamleg hamingja.
Alla mína ævi hef ég búið í sama húsinu. Í tuttugu ár hef ég sofið í sama herberginu. Í allan þennan tíma hef ég búið með sama fólkinu. Nú er allt að fara að breytast.
Eftir 29 daga er ég að fara að flytja í fyrsta sinn á ævinni. Ekki nóg með það að ég sé að flytja heldur er ég að flytja úr landi. Fyrst maður er að þessu á annað borð er um að gera að taka þetta með stæl, ekki satt? Nýtt land. Nýr maður. Ný byrjun. Ég hlakka ákaflega mikið til og kvíði alls ekkert fyrir þessu, þó geri ég mér grein fyrir því að þetta verði ekki bara dans á rósum. Flestir sem ég tala við um þessi mál gera átómatískt ráð fyrir að það að komast úr foreldrahúsum veki mesta tilhlökkun hjá mér. En ég verð að viðurkenna að þó það verði vissulega indælt, hlakka ég mun meira til þessa hversdagslegu hluta. Að vaska upp, versla inn, kúra, horfa á sjónvarpið…allt heima hjá mér. Að koma heim til mín. Heim til okkar. Mikið ofboðslega verður þetta væmið og krúttulegt. Vildi bara deila því með ykkur.
Já hér er ein mynd sem þið megið spökulera í.
Já. gangi þér vel í nýja landinu. Okkur vantar örugglega nokkur lönd uppá til að teljast vera handhafar heimsyfirráða. Gott framtak.
Til hamingju með þetta Laufið mitt! Það er alveg rétt hjá þér að það er erfitt að fjúga úr hreiðrinu og auðvitað saknar maður fólksins sem ól mann upp og kom manni í gegn um erfið æskuár. Það er jafnvel erfiðara að flytja úr landi, en Danmörk er að mínu viti ágætis staður. Mundu bara að þú hefur rétt á tvöföldu skattkorti meðan þú býrð þar.
Það merkilega er nefnilega að í mótmælaskini við sambandsslitin 1944 hafa Danir aldrei afnumið réttindi Íslendinga í Danmörku sem danskir þegnar. Þú getur því notað bæði skattkortin!
Ég bið líka sérstaklega að heilsa Limbra og segðu honum að við söknum hans ofsalega mikið og hlewagastiR hafi bara verið að rugla í honum. Gerðu það, ekki hverfa að eilífu elsku Limbri...
Beztu kveðjur og hamingjuóskir.
Jóakim
Sannarlega er uppvaskið fullnægjandi athöfn og ekki er búðarápið eftirbátur þess.
Í dönskum búðum má fá Faxe Fad - sem er kostur
Mér finnst þetta æðislegt.
Ég er einmitt búin að reyna það sama. Þegar ég flutti fyrst að heiman 16 ára gömul, flutti ég til Kaliforníu. Svo til Bretlands og þar næst til Frakklands. Það er ógurlega gaman að flytja til annara landa og ekki skemmir fyrir ef maður er að elta ástina... hún lætur mann gera skrítna og skemmtilega hluti.
Ég á þó eftir að sakna þín Laufið mitt.
Til hamingju og bara nokkuð skemmtileg mynd, full af litum og gleði... bið að heilsa Limbra...
Til hamingju laufa litla. Ég samgleðst ykkur, hins vegar botna ég ekkert í mydinni.
Góða ferð og gangi ykkur vel.
Myndin er flott á litinn og hefur flott form.
Er hún máluð með vatnslitum?
Gangi þér vel litla mín.
Ég veit að Limbri er heppinn og þið verðið voða lukkuleg.
Þakka ykkur kærlega fyrir velfarnaðar óskirnar.
B.Ewing: Já ég skal vinna ötuðlega að því að leggja Baunaland undir Baggalútíu.
Anar og Ugla: Ég held að ég sé ekkert síður heppin, en Limbri.
Jóakim: Þakka þér fyrir, en ég held nú að æskan mín hafi ekki verið sérlega erfið. Skattkorts upplýsingarnar koma sér vel. Þakka þér fyrir það. Og ég skila kveðjunni til Limbra
Norna: Ég á eftir að sakna þín líka Norna mín, en þú kemur bara fljótlega og oft í heimsókn [Ljómar]
Skabbi og Vlad: Ég skila því til hans.
GEH: Þakka þér fyrir GEH minn.
Sundlaugur: Það var nú ekki von að þú botnaðir í neinu elsku Sundlaugur. Enda hélt ég að sundkennarar forðuðust botna.
Kondensator og Grýta, Takk fyrir hólið, og já hún er máluð með vatnslitum
Hafðu það bara sem allra best í útlandinu.
Svona fljótt á litið fannst mér sem ég hefði séð tjald inni í rjóðri í fögrum skógi - um haust. Varðeldur brennur og ungt par breiðir út svefnpokana sína.
Já svei mér þá, eftir því sem ég hugsa meir um þetta því raunverulegra verður það.