Nú mikið listaverk skal negla niður
með natni, striti - öllum mínum ráðum
já allt mun smella, allt mun passa bráðum
og efni- skyldi finnast nægur -viður
Að berjast einn við ljóðið, næsti liður
að lokum saman endum vil ná báðum
við Bragi áður marga hildi háðum
þar hetjan jafnan tapaði, því miður
Af viti á blaðið ort hef afar fátt
en ekki vil ég falla í gamla normið
og áður gefið fögur fyrirheit
og vandi minn er varla á enda brátt
(þó valdi að lokum sonnettunnar formið)
því hvað skal skrifa, skáldið ekki veit.
Gott, hjá þér, kæri skáldbróðir. Hið göfuga ljóðform sonnettan hefur enn orðið viðfangsefni verðugs meistara.
Þakka ykkur kærlega fyrir fögur orð, kæru skáldsystkin. Mér er mikill heiður að því að fá hrós frá ykkur.
[Skammast sín niður fyrir allar hellur, hélt að ég væri fyrir lögu búin að svara hér..jahérna] Vel ort Isak, þetta bragform á Riddarinn eftir að kynna sér betur.
Takk kærlega, Heiðglyrnir - þú þarft endilega að reyna við þetta form.
Ég er einmitt að hugsa um að stofna sonnettuþráð þar sem ljóðskáldin geta rætt þetta ljóðform nánar.
Og takk, kæra Stelp. [Tekur við kossinum fagnandi]