Ég tók eftir því áðan að nýgræðingur einn, sem skráði sig inn í fyrsta sinn í morgun hefur tekið sér nafnið Herbert Hafralóns.
Af því tilefni vil ég að from komi, að nýgræðingur þessi villir stórlega á sér heimildir með því að skreyta sig með Hafralóns nafninu. Það er enginn Herbert í ættinni svo þessi nafnskráning er algjörlega í minni óþökk.
Þeir sem lesa innlegg þessa ósvífna nýgræðings sjá reyndar fljótt að hann á ekkert skylt við Hafralónsættina því hann er bæði illa skrifandi, lélegur í stafsetningu og hirðir lítt um notkun á stórum staf.
Ég hef reyndar tekið eftir því áður að einstaka nýgræðingar hafa tekið sér nöfn eldri Gestapóa, breytt þeim lítlisháttar og gert að sínum.
Þetta þykir mér bera vott um að viðkomandi séu gjörsamlega hugmyndasnauðir þegar kemur að því að velja sér nafn og bregða því á það ráð að stela nöfnum annarra.
HERBERT HAFRALÓNS ER EKKI TIL!
Það er greinilegt kæri kóngsi að svonefndur Herbert á ekkert með það að notfæra sér nafn Hafralóns ættarinnar. Hann er ekki þess verður og ætti að skammast sín og eyða þessu aukaegó hið snarasta.
Ég mun hundsa öll skrif Herberts Óskrifandi.
Þakka stuðninginn, Salka mín. Ég mun heldur ekki tjá mig á þráðum þar sem þessi ósvífni nýgræðingur sýnir sig.
Það getur auðvitað þýtt að ég muni smám saman hverfa á braut.
Láttu ekki bugast kæri kóngs. Þetta lákúrulega og ósvífna aukaegó getur étið það sem úti frýs.
Við látum bara sem við sjáum hann ekki og stökkvum yfir innlegg hans.
Sjáum til. Ég á samt erfitt með að trúa að þetta sé aukaegó einhvers galmalreynds Gestapóa. Þeir gera ekki svona.
Nei, þetta er örugglega einhver óalinn og illaskrifandi nýliði sem þykist geta leyft sér hvað sem er.
Ég sá strax að þetta gæti ekki veið neinn ættingi þinn Herbjörn. Þetta sýnist mér vera skýrt dæmi um smámenni sem reynir að gera sig sýnilegt með því að standa á öxlum sér betri manna.
Þá getur Herbert ekki verið Glúmur.
[Verður huxi (ekki Gestapóinn samt)]
Hjúkk maður nú munaði litlu að Kimi yrði ég...
Það fer að verða knýjandi verkefni að uppræta þessa skipulögðu glæpastarfsemi sem virðist vera að að hreiðra um sig hér í okkar ástkæru Baggalútíu. Það að falsa skilríki er stóralvarlegt mál. Það kallar greinilega á það að Leyniþjónustan fari að rannsaka málið.
Ætli það verði ekki næst að hér fyllist allt af harmonikkuspilandi sígaunum.
Ef þessi Herbert getur kastað teningum skammlaust mundi ég giska á að þetta væri óskilgetinn sonur þinn sem þú kannt að hafa eignast á einni af njósnaferðum þínum inn á hxxx.is eða bxxxxxxxx.is.
[Hlær hrossahlátri.]
Einhver ykkar hefur verið dugleg(ur) að yrkja á kveðskaparþráðunum undir alteregói sem er hið sama og notendanafn sem ég orti undir á öðrum stað fyrir mörgum árum. Þessi aðili er reyndar fjandi góður og gerir mér þannig séð enga skömm til gagnvart þeim sem tengja þetta nafn við mig. Þess vegna fatta ég ekki alveg hvað hann er að pæla. Ég legg til að Herbjörn láti sem hann sjái ekki vitleysinginn sem er að bögga hann.