Hafðu þakkir fyrir þennan pistil Ísdrottning. Má glöggt merkja þess efni, að þú ert meðvituð nútímakona. En á öðrum nótum, þá rifjaði ég nú upp þá sögu, þegar Kuggz var skildað að sofa á sófanum því hann gat ómögulega munað eftir þessum degi. En sófinn var góður og skömmu seinna tók ég hann með mér er ég gekk á dyr.

Það má kannski benda á að Valentínusardagurinn er alls ekki amerískt fyrirbæri, þó að margir siðir tengdir honum teljist kannski amerískir. Valentínusardagur er töluvert mikið eldri en ameríka, eða frá því 496 e.k þegar Gelasius páfi ákvað að 14. febrúar skildi haldin hátíðlegur til heiðurs st. Valentínusi sem er verndari elskenda.

Kaþólikkabull er ekkert skárra en amrískt bull. Er alltaf óvenju fúll og leiðinlegur við konuna sem ég elska á þessum degi. Reyni samt að muna að vera óvenju góður við hana daginn á undan, svo maður komist upp með fýluna.

Það er eitt sem ég er nokkuð viss um varðandi sambönd og það er að fleiri tækifæri til að gera sér dagamun og vera góð við hvort annað eru af hinu góða svo lengi sem þeir verða ekki að kvöð. Ég færði minni heittelskuðu blóm og lítinn hjartalagaðan konfektkassa í gær, hún var glöð og ánægð með það og sömuleiðis ég, síðan veit ég líka fyrir víst að ef ég hefði alfarið gleymt/sleppt þessu þá hefði það ekki þótt neitt tiltökumál.

Mér finnst súrt ad sérstakur dagur sé naudsynlegur til thess ad fá fólk til ad vera almennilegt vid vidhengi sín thá stundina. Hvad er spennó vid ad fá blóm á Valentínusardag? Frekar vil ég koma heim úr vinnu á ósköp venjulegum midvikudegi og vera drifin á Tapasbarinn á gallabuxunum.

Er ekki hlynnt Valentínusardegi - hvað sem hann var upphaflega er hann ekki okkar siður heldur bara sölubrella - er samt ekki á móti svona dögum og vil bara fá þeim mun meira á konudag!

Ég pant vera góður við krumpu á konudaginn.

Og hver á þá að vera góður við mig elsku Fíflagangur? [brestur í grát]
En ég er sammála, mér finnst valentínusardeginum ofaukið og vil mikið frekar gera meira úr konudeginum.
Og svo er náttúrulega ómetanlegt að fá, eins og Víólskrímsl segir, rómantík þegar maður á ekki von á henni.
Og bendi líka á að rómantík er einstaklingsbundin. Það sem mér finnst rómantískt er ekkert víst að næstu konu finnist líka.

Ég er reyndar svo skrýtin að ég vil ekki blóm frá mínum manni. Fyrir mörgum árum síðan fékk ég stóran og flottan vönd frá honum sem ég þurrkaði og skelli í vasa á borðið svona dögum. Í stað blóma o.þ.h. fer ég fram á að vera vakin með kaffi og nýkeyptu bakkelsi.
En ég ætlast ekki til að hann muni sjálfur eftir neinum dögum öðrum en afmælisdeginum mínum og ég myndi aldrei senda hann í sófann... ( og kúldrast ein í rúminu... ó nei! )
Hann á það til, þessi elska að koma mér á óvart með rómantískum tilþrifum þegar síst skyldi svo að ég finn enga þörf fyrir að hengja mig á einhverja daga...
En mér finnst samt rómantísk tilhugsun fólgin í hugmyndinni um dag elskenda...

Valdísardagurinn (Valentínusardagurinn) rann upp fyrir fólki þegar ein útvarpskona á ónefndri, furðulega vinsælli, síbylju-radíóstöð (sem hægt er að stilla klukkuna sína eftir því hvaða lag er spilað á hverjum degi) kynntist þessum sið (freistast til að skrifa lágkúru, skrum, ómenningu og margt fleira ljótt en læt það ógert)
[mikið innan sviga, ekki gott]
Bóndadagur og konudagur eru hinir íslensku dagar elskendanna að mínu mati. Það þarf ekki annan dag í viðbót.

Ég berst fyrir því að kaupmenn á Íslandi geti ekki notað þennan dag til að rífa upp annars daufan febrúarmánuð í sinni búð með skreytingum, tónlist og gjafaskrumi í viðbót við konudaginn.

Í útvarpinu á að hljóma;
"Kaupið blóm fyrir bóndaginn" (21. jan, gleymdi því einhver?) eða

"Kaupið blóm fyrir konudaginn" (20 feb.)

Hversvegna að planta einhverjum Valenínusi þarna inn á milli? Hann er eins og uppáþrengjandi tengdamamma með þessu brasi sínu?

Konudag, bóndadag, mæðradag, fínt. [Valentínus fær spark hjá mér]

Sammála því að rómantíkin á að koma á óvart en ekki að vera einhver skyldukeppni milli nágranna eins og jólaseríur.

Þetta voru krónurnar mínar tvær.

"kaupið blóm fyrir bóndadaginn"ætti þetta að vera..

[roðnar og sækir nærsýnisgleraugun]