Örlítil kveðja til ykkar, ágætu félaga minna, sem ég hef því miður vanrækt undanfarnar vikur og mánuði og vona ég að þið fyrirgefið mér.
Þá líður senn að sumarlokun á Baggalút og ekkert annað fyrir okkur að gera en að sætta okkur við þá ákvörðum æðri yfirvalda.
Ég flyt ykkur öllum beztu kveðjur héðan frá Ýsufirði en hér ætla ég og fjölskylda mín að eyða sumrinu á þessum fegursta stað landsins þar sem veðurblíðan gælir við mannfólkið og lífið er óspillt og áhyggjulaust.
Ég hitti kand. fíl. Engilbjart Sóldal hér á göngu síðdegis í dag, þar sem hann gekk erinda fyrir hreppsskrifstofuna. Engilbjartur þykir frekar svifaseinn í störfum sínum en mér þótti einkennilegt að sjá þegar hann snerist á hæli þar sem hann gekk yfir "Torgið" og steig á snigil og drap hann.
Ég spurði hann hví hann hefði stigið á kvikindið og þá svaraði Engilbjartur: "Hann átti það skilið. Hann var búinn að elta mig í allan dag".
Já, gott fólk, margir kvíða sumarlokuninni en hún er þó ekki alslæm. Án hennar yrðu ekki þeir fagnaðarfundir sem ávallt verða þegar Baggalútur opnar aftur.
Ég flyt ykkur hugheilar sumarkveðjur frá Ýsufirði og eigið þið leið um á ferðalögum ykkar í sumar lítið þá endilega við í Vatnehúsi. Við Vatne-menn tökum alltaf vel á móti vinum.
Ég er viss um að hvergi í heiminum er sumarið jafn fallegt og við Ýsufjörð.
Bless hvað? Við hittumst í haust. Svo getum við líka hittst á www.kaffiblutur.com
Gleðilegt sumar kallinn minn og takk fyrir Ýsufjarðarpistlana en svona í alvöru. Hvað er að frétta af Ljósbjörgu?