Svörtum kufli kasta má
kvöldið yfir heiminn.
Þá er gott að þjóra smá
þylja rímur dreyminn.

Undir kvöldsins klæðahjúp
karpið snýr úr fasi.
Lífsins góðu lindir súp
létt úr réttu glasi.

Þó að húmið hylji allt,
hrímið stími að landi,
þér mun varla verða kalt
varkár sértu í blandi.

Ef að virðist allt í hnút
óð er kýst að virkja,
pelans láttu prúða stút
%- styrkja

Ó hve verður allt þá bjart,
innri sólir skína.
Fæðist óðar óðar-skart
andans gyltur hrína.