Foldarstrá ef fölt í vindi iðar,
skjálfa í hrönnum skáldin klökk
skrjáfa vísnamiðar.

náttúran er söm við sig sem gengur
þó að visni vallarstrá
víða er happafengur

Fullir þrestir fljúga á milli greina
gerjuð berin gleypa af móð
gott þeir fá að reyna

Héla bílar, hendur kaldar skafa.
Vandamáli veitir bót
vetlinga að hafa

Nöglum járnarst núna dekkjafákar
saltar götur svífa um
soltnir bensínhákar

Frosin rósin fer að vaxa á glugga
glitrar þar ef gægist sól,
grær þó best í skugga.

Hæfir nú að hætta fólk að kvelja
ef ég kvæði áfram hér
upp þið munduð selja