Tel það fullvíst að hér sé verið að syngja um svona tómt mjólkurglas, En glös voru gjarnan kölluð þetta á heimilum landsins, þ.e. þau glös sem mest voru notuð til að þamba mjólk úr, á viðkomandi heimili.
.
Eftir áralangar rannsóknir Riddaranns á þessu máli virðast þessi glös ekki hafa fylgt neinum staðli hvað varðar útlit eða lögun. Heldur hafi algengasta heimilisnotkun viðkomandi heimilis, á þeim glösum sem tiltæk voru hverju sinni, á hverju heimili fyrir sig. Alfarið ráðið þessari nafngift.
.
Mjólkurglas, kaffiglas, vatnsglas og jafnvel tannburstaglas. Virðast ekki í gegnum tíðina hafa verið valið hlutverk eftir einhverjum fyrirfram ákveðnum stöðlum. Heldur hafi haft meiri áhrif hvað viðkomandi heimili átti mörg glös af hverri tegund fyrir sig, og hvað hverjum og einum likaði.
.
T.d. virðist rökrétt afleiðing þess, ef fjórir eru í heimili og til fjögur eins glös að þeim sé jafnan raðað með diskum og hnífapörum við almennt borðhald. Já svo virðist en svo er ekki, því að sennilega lifum við ekki í þeirri niðurnjörfuðu heimsmynd, byggðri á skipulögðu tölvuforriti, sem framtíðamyndir nútímans hafa verið svo iðnar við að draga upp fyrir okkur.
.
Það magnaða er að einstaklinghyggjunni er á þann veg farið, að í fjögura manna borðhaldi vísitölufjölskyldunar, eru mestar líkur á að allir séu með sitthvora tegundina af glasi. Þó að allir séu einfaldlega að drekka mjólk. þ.e. \"glasið mitt\" sem hver hefur valið fyrir sig, úr glasasafni heimilisins og notar sem sitt auðþekkjanlega glas.
.
Oft getur þetta leitt til ágreinings, ef e-r tekur t.d. glas sem komin er á eignarréttur. Að ekki sé talað um þann sálarháska, sérstaklega hjá yngri meðlimum viðkomandi fjölskyldu. Komi upp sú staða, að glasið góða hafi verið af slysni, sett fyrir gestkomandi.
.
Þá ber að geta þess að í úttekt þessari kom í ljós, að ekki virðist heldur vera nokkur munur á mjólkurkönnu og kaffikönnu. Þ.e. að stöðluð tegund, lögun eða stærð sé frekar ætluð fyrir annað en hitt.
.
Í formlegri framreiðslu og afgreiðslu á áfengum drykkjum hafa margar hefðir myndast í gegnum tíðina, og eru til mikið af glösum sem hafa verið sérhönnuð fyrir ákveða drykki. Td. Hvítvínsglös, rauðvínsglös, rósavínsglös, kampavínsglös, martiniglös, koníakglös, staupglös, Bjórglös og könnur jafnvel sérglös fyrir bjórtegundir, long-drink glös, high-ball glös, ótal gerðir af coctail glösum og svona mætti lengi telja.
.
Svona með því sérstakara sem Riddarunn hefur upplifað í framreiðslu á víni, var á hans uppáhalds Argentínska veitingastað í Brasilíu. Með léttsteiktri nautasteikinni var borið fram kælt Argentínu rauðvín í myndalegri hnausþykkri leirkönnu, til að það héldist lengur kalt.
.
Í 40 stiga hita úti á verönd hjá þeim, kom þetta ótrúlega vel út.
.
.
.
.
Töfra Stundir