Ég vil ekki sjá svona sóða kjaft hérna á Gestapó aftur.

Kaktuz minn, þó þú sért með spörfiskaofnæmi þá þýðir það ekki að aðrir geti ekki haft gagn af þessari uppskrift.

Þetta er bara í allra fyrsta skipti sem Riddarinn fær ritstjórn í félagsrita-heimsókn (kallar inn í eldhús steikja fleiri krebenettur, það eru komnir gestir). Jæja strákar, runnuð þið á matarlyktina. Þið verðið ekki sviknir af þessum bita. Verði ykkur að góðu.

Það eru sjaldséðir hvítir hrafnar.

Hrafninn er einmitt hrææta rétt eins og ýsan og rottan.

Þorskfiskar
.
Ýsa
.
Ýsan er botnlægur fiskur sem heldur sig mest á grunnsævi. Fæða ýsunnar er mest ýmsir hryggleysingjar, bæði skeljar og ormar ýmiskonar sem hún finnur á mjúkum botni. Eins og svo margar aðrar tegundir þá er ýsan algengust í hlýja sjónum sunnan og vestan-lands Ýsa lifir einnig á grunnsævi beggja vegna atlantshafs.Hún verður mest rúmur metri á lengd en meðallengd veiddrar ýsu er um 60 cm. Ýsan er mjög vinsæll matfiskur en ýsuafli landsmanna hefur verið mjög misjafn milli ára en er nú yfirleitt nálægt 50.000. tonnum.
*************************************************************
Flest öll sjávardýr, leggja sér að einhverju marki hræ til munns, enda það hluti af okkar vistkerfi og hringrás lífsins.
Það gerir okkur t.d. kleyft að veiða fisk með beitu.

Kannast einhver hér við hljómsveitina Roðlaust og Beinlaust ?

Hafðu þökk fyrir þessa uppskrift, hún mun verða sannreynd eftir fáeina daga.

Ef við værum hirðingjar í eyðimörk/savanna, ætli við myndum nokkuð éta híenur eða hrægamma? Nóg er af öðru betra fæði.

Ég rugla alltaf saman krebenettum og kastaníettum. Ætli það geri nokkuð til? En ætli megi skipta út ýsunni fyrir t.d. karfa, ufsa eða þorsk? Eða kolmunna? Ég vildi að það fengist kolmunni hér í búðum eins og við veiðum nú botnlaust af honum.

Lómagnúpur minn, það má nota hvaða fisk sem er í blessaðar krebenetturnar, hef sjálfur notað þorsk og steinbít fyrir utan ýsuna. Þá er rétturinn einnig mjög
góður með kjúklingi, svínakjöti og nautahakki. (Ef notað er kjöt í krebenetturnar, verður að forsteikja það, áður en því er blandað saman við annað hráefni. ).
.
Leiðilegt er engu að síður þetta óorð sem blessuð ýsan hefur fengið á sig, sem með seinni tíma rannsóknum hefur komið í ljós að á ekki við nein rök að styðjast.
.
Hvort hún sé besti matfiskurinn, skal alveg látið ósagt, enda er það að sjálfsögðu smekksatriði.

Já, það er ekki laust við að maður fái vatn í munninn. Þetta er nefnilega, eins og Heiðglyrnir segir réttilega, leyniuppskrift að föstudagsfiskrétti okkar Ýsfirðinga. Hún móðir mín blessunin eldaði oft fisk eftir þessari uppskrift og átti þá einnig til að nota karfa, ufsa eða þorsk ( sem var nú uppáhaldið okkar bræðranna).
Nú er þessi uppskrift ekki lengur leynileg, en það er bara vel að sem flestir njóti ýsfirzkrar matreiðslu. Við bræðurnir höfum oft velt því fyrir okkur hvort ekki megi opna ýsfirzkt veitingahús hér í höfuðborginni.
Hafi riddarinn göfugi Heiðglyrnir þökk fyrir að deila með okkur þessari fornu uppskrift og megum við gleðjast yfir því að enn séu á ferðinni þeir áhugamenn um þjóðhætti sem hafa fyrir því að safna upplýsinum um mataræði og verklag hinna ýmsu byggða landsins (s.s. Ýsufjarðar) og miðla þeirri þekkingu sinni til okkar hinna.

Heiðglyrnir - þú verður seint sakaður um félagsritunarefnistakafábreytni !
Uppskriftin er afar (g)læsileg, & virðist uppfylla helztu kröfur um manneldissjónarmið án þess þó að bera á nokkurn hátt vitni um óþarfa hollustufanatík.
Ennfremur lítur framkvæmdahlið eldamennskunnar ekki út fyrir að vera ofvaxin skilningi eldhússskussa á borð við mig - & sérlega góð er ábendingin um að nota brauðskurðarhníf á grænmetið, það þykir mér einmitt mun betra & öruggara en að rembast við að saxa það með e.k. speshönnuðu flugbeittu grænmetissverði.
Við þetta hef ég svo engu að bæta, nema ef vera skyldi sveppum, sem mér þykja ákjósanleg viðbót við flesta matargerð.

Lómagnúpur - kastaníettur munu vera slagverkshljóðfæri, mikið notað í spænskri söng- & danstónlist. Ekki heppilegar til matargerðar, hvað þá krebenettur við músíkiðkun. Þó má vel hugsa sér að hlýða á slíka tónlist meðan á matreiðslu ellegar borðhaldi stendur.

Ég vil taka undir með Kaktuzi varðandi óbeit á þessari meinsemdarskepnu sem fjandans ýsan er. Maður var kvalinn nóg í æsku með soðinni ýsu og öðrum viðbjóði af því taginu.

Ýsan er ágætis hráefni, en auðvitað skiptir höfuðmáli, með hana eins og allt annað hráefni, hverning hún er meðhönduð og matreidd. Það sjávarfang sem fellur best að smekk Riddarans í þessari röð er Humar, skötuselur, rækja, túnfiskur, steinbítur, þorskur, Ýsa, fersk tindabykkja(skata), (koli, karfi, lúða, ufsi ) og úr ám og vötnum bleikjan(silungur) og lax helst bara grafinn eða reyktann.