"2. 10 til 15% samdráttur í útgáfu á leigu og sölu myndböndum og DVD, er t.d. stór ástæða fyrir hækkunum bíómiðans núna undanfarið"

Hvaðan hefur þú þessar tölur? Miðað við það sem ég hef séð af opinberum tölum (sem þessa stundina ég hef ekki heimilidir í) hefur DVD leiga og sala aukist gríðarlega (sem þarf nú ekki að koma mikið á óvart) og heildar leiga og sala á myndefni hefur líka aukist, sérstaklega sala. Vísaðu mér veginn í staðfestar opinberar tölur svo ég megi sannfærast herra Riddari.

Herra Órækja þetta er gott innlegg í umræðuna. Riddarinn hefur verið viðloðandi þennan rekstur síðastliðin ár, því miður heggur það of nærri að útskýra hverning.
En við skulum fara yfir þetta misræmi á þínum upplýsingum og mínum.
.
1. Innflutningur sölumyndbanda og DVD hjá lággjalda stórverslunum t.d. Elco o.fl., í skjóli samninga sem gerðir eru erlendis fyrir keðjuna alla, hefur aukist umtalsvert.
Þetta fer alveg framhjá umræddum Rétthöfum þessara mynda.
.
2. Sala á sölumyndböndum og DVD á vegum rétthafa hefur eitthvað aukist líka, sérstaklega DVD.
.
3. Í beinu framhaldi af samdrætti hjá myndbandaleigum, hefur aftur á móti útgáfa leigumyndbanda dregist saman svo um munar síðustu 2 til 3 ár og eru þær tölur nær 30% eftir þeim upplýsingum sem náðust inn svona í morgunsárið. Sem er töluvert hærra en Riddarinn þorði að fullyrða í pistlinum, enda með eindæmum varkár þegar tölur eru annarsvegar.
4. Tölur þessar eru settar fram eftir upplýsingum, sem koma frá persónulegum tengslum Riddaranns við menn og fyrirtæki í þessari grein. þær eru réttar. Vilji menn véfengja þær verður ekki við það ráðið. Opinberar tölur er því miður ekki hægt að benda á.

Smá viðbót.
.
3. Í beinu framhaldi af samdrætti hjá myndbandaleigum, hefur aftur á móti útgáfa leigumynda dregist saman svo um munar síðustu 2 til 3 ár og eru þær tölur nær 30% eftir þeim upplýsingum sem náðust inn svona í morgunsárið.
Þó má geta þess að þrátt fyrir að hlufallsleg aukning hafi orðið á útgáfu DVD til útleigu er sú aukning á kosnað leigumyndbanda og reiknuð inn í þennan samdrátt.

Það er alltaf háskalegt og ergilegt þegar vöruverð er falið í einhverjum öðrum kostnaði. Ókeypis sjónvarp: Þú borgar fyrir það með aukinni neyslu annars staðar. Heldur vil ég borga meira fyrir bíómiðann heldur en að þurfa að niðurgreiða hann með nammi. Ekki myndi ég vilja kaupa ódýrara bensín ef því fylgdi að ég þyrfti að stoppa á fimmtíu kílómetra fresti og drekka lýsisflösku. Enn fremur leyfi ég mér að benda á flónskuna sem felst í því "nýjasta og besta." Ég nefni til dæmis Þýskaland þar sem myndir koma á markað mörgum mánuðum síðar en hér. Þar finnst engum neinn vera að missa af neinu, enda koma allar þessar sömu myndir með reglulegum hraða, aðeins með nákvæmlega sömu tíðni, aðeins með hærri tímaseinkun. Og það skilar sér í verði. Þegar bíóin auglýsa: "Heimsfrumsýning á íslandi!!" eigum við þá að halda að Ísland sé að vinna í einhverri keppni? Voru Árni Sam og félagar enn að sóla hina uppúr skónum? Verðum við ennþá æðislegri og Björk frægari? Og verður myndin betri? Húmbúkk, segi ég.

Herra Lómagnúpur, eins og venjulega hefur þú heilmikið til þíns máls, þetta er háskaleg ergileg og rándýr þróun. Hún er orðin staðreynd, hvernig og hvort henni verður snúið til baka er ekki gott að sjá. Að finna einhverja samstöðu um það telur Riddarinn útilokað. Heimsmenningin er komin til að vera.
Lýsisflaska á 50 km. fresti er fullmikið lýsi, matskeið á dag er hæfilegur skammtur. Hvað blessaða Þjóðverjana varðar, þá hefur ásókn þeirra og aðferðir í gegnum tíðina til að nálgast heimsmenninguna, verið vægast sagt umdeildar.

Þannig að varðandi DVD sölu ertu að segja að rétthafarnir standist ekki samkeppni við stórmarkaðina? Ekki er það bíógestum að kenna. Annars hef ég lítið út á verð á bíóferðum og myndbönd að setja, ef mér líkar ekki verðið þá kaupi ég ekki hlutinn eða þjónustuna, enda teljast kvikmyndir undir lúxus en ekki nauðsynjavöru.

Auðvitað er þetta ekki bíógestum að kenna, þetta er markaðsþróun (góð eða vond) með marga samhangandi þætti og ef allir þættirnir eru ekki að skila sér. Endar það eins og alltaf óhjákvæmilega hjá neytandanum.

Lómagnúpur má bara eiga sig með sitt nöldur. Persónulega myndi ég glaður vilja hafa auglýsingar og nammibúðir ef það þýðir að miðaverðið verði minna rándýrt. Þó svo ekki sé hægt að ganga endalust langt í þessum efnum. Auglýsingatímar eru oft á tíðum allt allt of langir.

Annars vil ég þakka Heiðglyrni fróðlega innsýn í rekstur bíóhúsa, þó svona meðvirk skrif hljómi dálítið eins og Bógensenkapítalismi, þar sem allt er okrað en kaupmaðurinn að sama skapi alltaf á heljarþröm og við það að verða gjaldþrota, greyið.

Hahahhaaha Meðvirk, Bógensenkapítalismi, Konungur vor er mikill spaugari. Alltaf gaman af því. Altént áttu skrifin að vera hlutlaus saga þróunar á rekstri kvikmyndahúsa á Íslandi.

Ég minni á að er mjög auðvelt að fá Stokkhólmssyndróm ef maður fær yfirborðslega sýn í rekstur fyrirtækis. Ég þekki meira að segja mann sem telur sér stætt að verja einokunarfyrirtækið Símann og þeirra verðstefnu hvað varðar internet, bara af því að hann hafði séð einhverja kostnaðargreiningu. Svo kom smá samkeppni og það var lítið mál að bregðast við því.

Én ég vil spyrja þig Heiðglyrnir, fyrst þú þekkir eitthvað til: Veita dreifingaraðilar e-k einkaleyfi á sýningum bíómynda eða geta sjálfstæð bíóhús keypt myndir? Þ.e. gætu tvö bíó í samkeppni keypt sömu bíómynd og sýnt?

Hér á landi er eingöngu um einkaleyfissamninga að ræða, og eru samningarnir við stóru merkin á þann veg, að Rétthafi skuldbindur sig til að kaupa allar myndir sem viðkomandi dreifingaraðili framleiðir fyrir alla rétti þ.e. í þessari röð með viðeigandi tímagluggum á milli. Sýningarréttur í kvikmyndahúsi, Leiguréttur DVD/myndbönd, Söluréttur DVD/myndbönd og að lokum Sjónvarpsréttur sem á að vera svona ca. ári eftir frumsýningu mynda.

Er á Tævan í dag og morgun. Að selja DVD-réttinn að "Opinberun Hannesar" og Veiðiferðinni eftir Andrés Indriðason. Þeir eru alveg brjálaðir í Spaugstofuna hérna líka. Meira seinna. Yfir og út!

Miðað við hvernig þú lýsir þessu virðist þetta vera verulega morkið hjá kvikmyndaverunum.

Nei, nei er bara að lýsa þessu eins og það er. Kvikmyndaverin hafa líka hagsmuna að gæta.

Heyrðu Heiðglyrnir, fyrst þú þekkir lauslega til innanum þessa bíósnillinga, langar mig að spyrja þig meira.

Eru bíómyndir frá öðrum svæðum, t.d. Asíu og Evrópu ekki talsvert ódýrari en Hollywoodframleiðslan?

Ef svo er, hafa þessi bíódurgar aldrei íhugað það að markaðssetja t.d. asískar aksjónmyndir/fantasíumyndir/kúngfúmyndir/hryllingsmyndir/anímemyndir í miklu meiri mæli (jafnvel evrópskar líka)? Svona í ljósi þess að slíkar myndir njóta sívaxandi hylli hjá ungafólkinu? Hefur þessum mönnum ekki dottið í hug að reyna að byggja upp hefð fyrir slíkum sýningum, sem ættu að bjóða upp á mun meiri hagnaðarvon ef þær eru ódýrar (jafnvel hægt að nota bara enskan texta, þ.s. æskan kann yfirleitt að lesa enskan texta).

Heyrðu Heiðglyrnir, fyrst þú þekkir lauslega til innanum þessa bíósnillinga, langar mig að spyrja þig meira.

Eru bíómyndir frá öðrum svæðum, t.d. Asíu og Evrópu ekki talsvert ódýrari en Hollywoodframleiðslan?

Ef svo er, hafa þessi bíódurgar aldrei íhugað það að markaðssetja t.d. asískar aksjónmyndir/fantasíumyndir/kúngfúmyndir/hryllingsmyndir/anímemyndir í miklu meiri mæli (jafnvel evrópskar líka)? Svona í ljósi þess að slíkar myndir njóta sívaxandi hylli hjá ungafólkinu? Hefur þessum mönnum ekki dottið í hug að reyna að byggja upp hefð fyrir slíkum sýningum, sem ættu að bjóða upp á mun meiri hagnaðarvon ef þær eru ódýrar (jafnvel hægt að nota bara enskan texta, þ.s. æskan kann yfirleitt að lesa enskan texta).

Þessir bíósnillingar(durgar) eru risaeðlur og síðasta góða(slæma) hugmynd sem að þeir fengu var að verslunarmiðstöðvar og kvikmyndahús ættu samleið.
.
Hef oft látið mig dreyma um að kaupa Regnbogan innrétta þar alvöru miðbæjarkaffistofu með kvikmyndatengdu þema, þráðlausu interneti, vínveitingum og vera svo með myndir á þessum nótum í öllum sölum, hugsanlega skipta stóra salnum í tvennt. Held að það myndi slá í gegn. ERTU MEÐ.

Hakuchi, ég skal eiga mig. En mér er óskiljanlegt hvers vegna þú álítur það æskilegt að niðurgreiða bíómiðann með neysluvöru sem hefur ekkert með bíóið að gera. 800 kall miði og 200 kall nammi er sem sagt betra en 900 kall miði punktur?

Lómagnúpur: Bíó hefur alltaf verið með sælgæti. Svona smáatriði eins og nammi, hlé og auglýsingar(ekki of langar) trufla mig ekki hið minnsta. Ég mæli með því að þú kaupir DVD spilara ef þú ert með svona púristaáráttu. Þar getur þú verið kóngur í eigin herbergi og horft á bíó í ágætis gæðum.

Heiðglyrnir: Nú ertu að tala! Þetta hefur mig dreymt um lengi! Ég er með! Alla leið!
[Fer að berjast við vindmillur]

Mér finnst það prinsippmál að þegar ég kaupi einn hlut eða þjónustu endi ég ekki uppi með eitthvert aukaskran. Sem er raunin ef ég greiði fyrir hlutinn með auglýsingglápi eða nammikaupum. Meðal annars af þessum sökum, og einnig vegna skrílsláta, sóðaskapar, háreysti og dónaskapar annarra bíógesta hef ég að mestu látið af bíóferðum. Og sakna einskis.

Nú hvað ertu þá að blaðra? Njóttu DVD-sins í heimahúsum.

Jáhá, þú segir nokkuð, ef ekki bara heilmikið. Einhver alvara.

Má ég minna á að það er ekkert mál að koma bara með bakpoka í bíó þar sem í er nammi og skemmtileg bók sem svo er hægt að draga upp í hléi. Ég hef ekki farið í bíó í 2 ár og næst þegar ég fer, mun ég verzla nammið í Bónusi, ná mér í skemmtilegt Andrésblað og troða draslinu í bakpoka og hafa með mér. Þ.e.a.s. ef ég fer þá einhvern tímann næst.

Guð minn Almáttugur þú hefur ekki alveg náð, hvað er um að vera, því að ef allir gera það, þá bara hækkar bíómiðinn meira. Og Guð minn Almáttugur það má ekki verða.

Ég býð fram gott safn Baggalúta sem stofnfé "Hugsjónabíósins" (c) TM.

Þakka þér Órækja minn, allt hjálpar. Hvaða myndir værir þú helst til sjá í Hugsjónabíó (c) TM.

Asíubíó! Aníme (rjómann af því, mikið um rusl). Evrópskan hasar (ekki tilgerðarlega artí fartí ruslið, það er óáhorfanlegt). Og umfram allt: Klassískar bíómyndir. Fortís, seventís klassíkera þá helst.

Ég fagna hugsjónabíóinu enda kominn tími til. [fagnar]

Ég legg til að franskar og ítalskar myndir séu í boði ásamt japönskum, kínverskum og almennt asískum myndum. Einnig á að rífa MÍR salinn skilst mér þannig að rússneskar myndir eru alveg að verða heimilislausar líka.

Ég fagna hugsjónabíóinu enda kominn tími til. [fagnar]

Ég legg til að franskar og ítalskar myndir séu í boði ásamt japönskum, kínverskum og almennt asískum myndum. Einnig á að rífa MÍR salinn skilst mér þannig að rússneskar myndir eru alveg að verða heimilislausar líka.

Jamm og þið hin hvað viljið þið sjá.

http://www.rafis.is/fsk/regnboginn.htm

Jamm og þið hin hvað viljið þið sjá.

http://www.rafis.is/fsk/regnboginn.htm

Síðasti bærinn í dalnum verður náttúrlega að rúlla sérhvern miðvikudag. Og Morðsaga. Og rauða skikkjan.
Annars þætti mér vænt um að sjá Ólsen gengið.

Væri hægt að sýna Home-Alone í eins og 2-3 ár í einhverjum litlum og kósí sal?

Ég get fullyrt að það er hagfræðilega mjög gott að sýna Home-Alone, SAM bíóin sýndu hana í meira en ár og þeir eru að gera það gott.