Þarna sem að þú stóðst bara býsna ánægður með lífið og tilveruna, varð þér litið niður og viti menn lá ekki þarna við fætur þér svo fagurmótað blágrýti að eftir var takandi, sjávarsorfið mjúklega þannig að varla var hægt af að líta, þessi steinn var sem skapaður til afreka.

Já, hugsaðir þú með þér og tókst þennan ótrúlega velsniðna stein úr smiðju náttúrunnar upp og mátaðir hann á milli vísi og þumalfingurs, leist svo laumulega í kringum þig. Það var enginn á ferli, þú lokaðir öðru auganu fagmannlega og tókst vandlega mið á ljósastaur í hæfilegri fjarlægð, hljópst tvö skref fram og steininum var kastað.

Ef að það næsta sem gerðist, er ekki að þú heyrðir brothljóð á svipuðum skala og ef að loftsteinn hefði fallið á perluna, þá hefur mikið breyst í veröldinni.

Og þarna sem að þú varst á harðahlaupum við undirleik löggæslu- sinfóníunar babúbabú og lést þig hverfa út í myrkrið, helv..ormurinn þinn.

Þá ætlaði ég bara að koma þeim skilaboðum til þín að drulla þér til að koma og borga helv... rúðuna, og það í einum hrað logandi hvelli. Við vitum hver þú ert. Muhahahaha

Töfra Stundir