Óðinn vildi í athugasemd meina að konur ættu líka síma og ég hef reyndar komist að því að það er rétt hjá honum. Ég hef líka komist að því að þeim er ekki illa við að nota þessi eðaltól, Þ.e. svo lengi sem þær þurfa ekki að hringja sjálfar því oftar en ekki eru þær innistæðulausar.
Í dag átti ég erindi í verslun þá sem kennd hefur verið við mjólk þó að vökvinn sem þar er seldur eigi lítið skilt við kálfafóðrið. Þetta er ekki löng leið, eiginlega svo stutt að ef ég hefði ekki séð fram á þungaflutninga í bakaleiðinni þá hefði ég gengið, þannig að ég fór á eðalvagninum.
Fyrir utan búðina var ung stúlka í símanum og var mikið niðri fyrir (hefur lílega ekki fengið afgreiðslu)
Í búðinni var kona í símanum og vildi greinilega að sem flestir vissu að mikið stæði til hjá henn um helgina og engu yrði til sparað.
Á bakaleiðinni mætti ég nokkrum bílum eins og oft gerist á föstudögum og viti menn í þremur bílum (u.þ.b. 25% af mættum bílum) voru konur að tala í símann undir stýri. Ég varð ekki þess heiðurs aðnjótandi að sjá karlmann munda tólið.

En skýringin á mínu SMS er samt sú að nokkuð langt var liðið á kvöld og ég þóttist þess fullviss að stúlkukindin væri sofnuð ég vildi fá svar strax morgunnin eftir svo ég gæti nálgast aðgöngusnepil áður en þeir væru allir rifnir út.

Purrum fyrir lífið, lifum fyrir purrið