Aldrei á minni örskömmu æfi hef ég lent í öðru eins veðri og var hér hjá mér um páskana. Sólskin og 12-16°c dag eftir dag.
Fyrir algera tilviljun þá tók ég fram minn mótorfák skömmu fyrir páska þar sem ég ætlaði með hann heim til að geta dittað að honum fyrir sumarið. Lítið hefur farið fyrir ditti vegna veðurs.
Páskarnir hafa því farið alfarið í það að aka um milli þess sem teknar voru bragðprufur af ákavíti. Ekki man ég til þess að hafa áður ekið 1000 amerískar landmílur í mars, hef þó verið hjólandi síðastliðin 16 ár. Svo er bara að vona að veðurguðirnir verði mér áfram hliðhollir og það verði ekki vetur í sumar.

Lifið heil