Mikil bylgja fagnaðarláta hefur skekið samfélag háskólanema sem leitað hafa til tveggja geðlækna og teymis af lífeðlisfræðingum hjá Woodsworth stofnuninni. Rannsókn þeirra snerist upphaflega að breytingum á lifnaðarháttum svartabjarna en tilskipun heilbrigðisyfirvalda borgarinnar kvað á um að niðurstöður skyldu nýttar til frekari manneldisrannsókna. Í kjölfar britingar hefur stríður straumur undirútskrifaðra sem og útskrifaðra leitað á læknastofur téðra geðlækna og krafist vottorðs.
Vottorð læknanna skrifa upp á nýja röskun í sálarrótum próftakenda sem brýst ýmist fram sem krampi í augnlokum, frelsun hvað varðar trúarbrögð, óvenjulega löngun í jólagjafir, smákökufýsn og aukið jólabókagrúsk meðal annars. Það sem röskunin hjá öllum á þó sameiginlegt er fullkomin blinda á próf, hvort heldur þau eru á tölvutæku formi eða á pappírsforminu góðkunnuga.
Bareigendur sem og skyndibitastaðir fagna framþróun vísindanna en marktæk aukning hefur orðið í sölu á afgreiðsluvörum hlutaðeigandi.
Klárlega er þetta stærsta breyting á lífsháttum menntasamfélagsins sem og óbreyttra íbúa síðan stjórnvöld þar á bæ létu af þrepaskiptu stóborgarstjórnkerfi og tóku upp eilítið skekkt lýðræði. Kennarar hafa hvergi mótmælt, enda um vísindalega rannsókn að ræða. Nemandi í heilbrigðisverkfræði lét þó hafa eftir sér gífuryrði: ,,Þetta breytir ekki miklu, það er ekki lærdómurinn sem situr eftir þegar námi lýkur, það eru bara aðferðirnar". Hagsmunasamtök svartabjarna harma niðurstöðurnar og telja brotið á skýlausum rétti sínum sem tilraunadýr fyrir samfélag mannanna.
3 stjörnur tel ég því óhjákvæmilegar.