Eins og gerist þá verða andsvör stundum að heilum félagsritum. Hér er eitt þeirra sem er áframhaldandi hugleiðingar varðandi íslenska hermenn.
Í framhaldi af riti Offara þá varð til þessi hugleiðing.
Vegna þess hve ómengaður kynstofn hermanna hér á landi er, þá verður að koma alfarið í veg fyrir að þeir hermenn sem hafa verið sendir af landi brott snúi aftur til Íslands. Þetta yrði gert í varúðarskyni svo að smitsjúkdómar berist eigi til landsins og valdi ómældum skaða á flóru íslenskra hermanna en þeir hafa verið lausir við hermannaveiki í 1000 ár hið minnsta.
Sem fyrirmynd að lagasetningum þessum skulu gilda svipaðar reglur og gilda um íslenska hestinn.
Það er alveg ferlegt ef hér myndu spretta upp samfélög gamalla stríðhetja. Enda mikil hætta á að stríð geri menn klikkaða og kolruglaða. Þeir ættu í mestu erfiðleikum með að snúa aftur til þess samfélagsmynsturs sem hér hefur tíðkast.
Þessir menn myndu heimta fría hamborgara, ókeypis pulsur með öllu og frítt í strætó bara því þeir voru í "nam", eða tóku þátt í "desert storm" og Afganistan (er desert storm ekki hluti af þjónakeppni matreiðsluskólans?)
Stríðshetjur eru og hafa alltaf verið óalandi og óferjandi maníusjúklingar sem myndu setja heilbrigðiskerfið á hausinn, myndu teppa allar almenningssamgöngur með þolsetum í strætisvögnum. Það er vitað mál að um miðjan febrúar mun einn þeirra standa á lendarskýlunni einni saman klukkan 5:30 á Miklubrautinni plaffandi á "óvinina úr austri" sem kæmu akandi "yfir "landamærin"(Kringluna).
Er þetta sú framtíðarsýn sem fólk vill sjá? Gamlir kallar öskrandi á Laugaveginum "GEMMÉR PÉNÍNG ÞVÍ ÉG ER HETJAN ÞÍN..."
Ég segi nei. Við verðum að koma í veg fyrir innflutning á hermönnum áður en við hefjum stófelldan útflutning á þeim.
Það er gott að hafa spámenn til að vara okkur við framtíðinni, en ég held að aldrei hafi staðið til að taka aftur við ónýtum hermönnum
Þetta er frábær hugmynd þá þurfum við ekki að borga þessum mönnum laun og losnum við að borga bætur og so on.
Enginn vill hafa síðhærða gráhærða skeggjaða hippa á götunum vælandi yfir því hvað þeir hafa þurft að upplifa.
Ef að þessi her verður löglegur verðum við þá ekki að sprengja upp bækistöðvar Samtakanna og spútnikbúðirnar
Er ekki hægt að hola gömlum stríðshetjum niður á Vestmannaeyjum? Þá geta þær leikið sér í byssó án þess að stefna öðrum í voða.
Það er því miður ekki hægt, vjer sprengdum Vestmannaeyjar 'óvart' í loft upp haustið 2003 ef vjer munum rjett. Athuga mætti Grímsey í staðinn, sjer í lagi í ljósi ástandsins þar þessa dagana.
Vjer verðum hinsvegar að láta í ljós þá skoðun að hugmynd sú er fram kemur í fjelagsritinu er sjerlega athyglisverð og synd að hún skuli eigi hafa fengið meiri athygli.