Hugsunin um það, hve margar hugsanir komast fyrir á einum degi hefur setið í mér í nokkra daga.
"I think therefore I am" Ég hugsa, þessvegna er ég. Sagði einhver sem ég brýt heilann um hver var. Annars er það ekki aðalatriðið hver sagði það heldur hvernig hugsunin hefur orðið til. Það vakna spurningar við að hugsa.Misgáfulegar eins og gerist en yfirleitt tengjast hugsanir og spurningar því sem er að gerast í kringum mann.
- Ég varð vitni að svonefndum "galara" í gær. Var það sniðugt eða á ég að hneykslast, fussa og sveia út í loftið?
- Hvað eyðir götusópari miklu á hundraðið?
- Hvernig er hægt að vita hvenær maður er ríkur?
- Á ég að kaupa Símann eða láta duga að kaupa einn gemsa í viðbót?
- Hvort er betra, kók eða kaffi?
- Á ég nokkuð að kaupa nagladekk framar?
- Voðalega ritstíflu fær maður þegar loksins er búið að hita upp gamla tölvugarminn?
...Er ekki best að hugsa um eitthvað annað?
Eitt geturðu sagt mér... hvað er galari?
Þetta var annars ágætis hugsunarlestur... skál
Hmm.. ætli B.Ewing sé að tala um það sem á engilsaxnesku er nefnt "screamer"?
Annars er ég löngu búin að sjá að ég hugsa aðeins of mikið. Er að spá í að skera það við nögl næstu daga...
[starir út í tómið og reynir að hugsa ekki neitt]
Galari er sá eða sú sem er úti á götu til að senda viss skilaboð út í samfélagið. Galara má finna í bók Andra Snæs Magnasonar [held Blái Hnötturinn, óstaðfest] Sem dæmi þá væri Galari einhver sem segði við þig beinum orðum; ,,Kauptu Osta frá Mjólkurbúinu Skeiðvöllum'' . ,,Tryggðu fjölskylduna með hagstæðum kjörum hjá Tryggingafélaginu''. eða þvíumlíkt. Galarar eru einnig fólk sem kynnir vinum og vandamönnum fyrir ákveðnum vörum eða hugmyndum. (sbr. Tupperware, enjo eða hvað það heitir og þannig háttar)
Ég heyrði rætt um þetta í dægurmálaútvarpi rásar 2 í dag. Þessi kallari var fimmþúsundkellingin sem mætti á frumsýningu í leikhúsi. Hvaða sýning var það?
,,Galarar eru einnig fólk sem kynnir vinum og vandamönnum fyrir ákveðnum vörum eða hugmyndum."
Hvar er prófarkalesarinn?
ER galari sem sagt talsmaður ákveðinnar vöru eða vörutegundar?
Það var Descartes sem sagði þetta (raunar "cogito ergo sum".) Þá hefurðu einu minna að hugsa um í dag.
...og átt heima í Desjarmýri. Annars er þetta ljómandi góð dagbókarfærsla. Huxum aðeins í kór. [Huxar rosalega mikið]
Gaman. Ég hef einmitt velt því fyrir mér hve margir dagar komast fyrir í einni hugsun.
Götusópari eyðir svipað og valtari tel jeg. En beltagrafa eyðir þó umtalsvert meira.
I think therefore I am confused (Cogito, ergo confundo), segi ég nú bara.
Það getur ekki verið hollt að hugsa svona mikið.