Eitt sinn sá ég svohljóðandi í fasteignaauglýsingu:
Í eldhúsi er útsýni upp í bláfjöll og þar er tengi fyrir uppþvottavél.

Ég á þrjúhundruð fermetrar hús handa þér með aðgang að salerni.

ég meinti snyrtingu.

Þetta er snilld - ekki langt að fara í Bláfjöllin að vaska upp! En þetta er svona rugl sem ég eiginlega hætt að taka eftir - er orðin svo sjóuð í lestri þessa rugls.
Offari hvar er snyrtingin? Hola í garðinum?

Úr orðabók fasteignasala:
Íbúð á jarðhæð: Kjallari
Lítið niðurgrafinn kjallari: Nær alveg niðurgrafinn kjallari. Gluggar mest 15 cm háir.
Íbúð sem býður upp á mikil tækifæri: Ónýtt hús sem þarf að verja milljónum í að lagfæra. Strax.
Bílskúrsréttindi = Vilyrði frá byggingafulltrúa ársins 1956 sem hefur ekkert að segja í dag.
Húsið hefur nýlega verið klætt að utan = Alkalískemmdir í steypu. Húsið er dottið í sundur.
Í þessu vinsæla hverfi = Fellahverfi.

Til sölu glæsileg ósamþykt íbúð.

Ég hef ekki hlegið svona mikið síðan ég sá "Second hand Lions".

Frábær greining, snilldar framsetning og afbragðs efnistök.

Ég tel þó grænan vera mjög fínan á baðherbergi, það er gott að hægja aðeins á sér í 'náttúrunnar lit' ef svo má að orði komast.

-

Enn fremur úr orðabók fasteignasala:
Björt og falleg íbúð = íbúð sem er ónýt, leitið áfallahjálpar
Nýlegar vatnslagnir = Búið að mála rörin, þarf að skipta um.
Nýlegar raflagnir = Taflan frá 1940 en dregið var í 1960 og því raflagnir nýrri en húsið.
Góð aðkoma = löng gangstétt að útidyrum frá bílastæði
Góð geymsla fylgir = hún er nánast jafn lítil og íbúðin en er talin með í fermetrafjöldanum
Viðurkennd fasteignasala = Láttu okkur um að setja þig á hausinn!

Ég heyrði einu sinni sögu af manni á Vestfjörðum sem auglýsti hús til sögu með þeim orðum að þar væri 'Hátt til lofts og vítt til veggja'.

Þetta hús var síðan ekkert nema veggstoðirnar.

Þetta er frábært strákar, hvar náðuð þið í orðabókina? Sá hana í einhverju blaði fyrir mörgum árum en hef ekkert fundið hana síðan...væri gaman að eiga hana . Það sorglega er samt að hún er ekki svo fyndin, af því að hún er sönn...

Það sem ég sagði hef ég bara lært af fenginni reynslu.

Æi, var nú ekki að saka þig um ritstuld...en þetta birtist einhvern tíma í einhverju blaði - (auðvitað er þetta allt satt og rétt og eitthvað sem margir hafa lent í) - og ég var að spá hvort þetta væri komið einhvers staðar á netið...

Heimili gerir hús að höll...Frábær pistill Krumpa mín og því miður eins og þúgefur í skyn, ekki aldeilis úr lausu lofti gripin.

Flott, fyndið og bráðskemmtilegt félagsrit... salútíó...

Sama hér, höfðum ekki séð þetta í neinu blaði. En þetta er svo yfirþyrmandi reynsla fasteignakaupandans að það væri ekki óeðlilegt að fleiri hafi sett þetta fram áður.

Hvernig hús á ég þá að kaupa? [Fær heiftarlegt kvíðakast]

Keyptu bjarta og skemmtilega íbúð á jarðhæð - með góðri eldri innréttingu - skemmtilegum hreinlætistækjum - og passaðu að hún þarfnist aðhlynningar!

Ég verð að segja í sambandi við eldhúinnréttingar, verandi smiður sjálfur, þá hefur aldur ekkert með gæði að gera. Nýleg innrétting sem er léleg getur allteins verið verri en góð innrétting frá 1940.

Mig rámar í þennan lista líka, en man ekki fyrir mitt litla líf hvar eða hvenær ég gæti hafa rekið augun í hann.

Hins vegar hef ég oft heyrt því fleygt að lýsingin „í barnvænu hverfi“ þýði að þar sé hrikalega mikið af krökkum úti að garga hvert á annað, og „stutt í skóla/leikskóla“ þýðir að viðkomandi stofnun er alveg undir svölunum.

Já og stutt í alla þjónustu þýðir að það sé ofboðsleg umferð akandi og gangandi vegfarenda um götuna, bílastæðið og jafnvel garðinn vegna téðrar þjónustu.

Snilldar samantekt. Skál!

Eitt sinn heyrðum vjer af eftirfarandi orðum um svalir er sneru til norðurs:
Svalirnar snúa í suður eða svo til