Ég er farin. Veit ekki hvort ég kem aftur. Vonandi þó. Sumra mun ég sakna. Annarra ekki.<br /> <br />
Satt að segja er búið að vera hundleiðinlegt hérna frá opnun eftir sumarfrí.... Einn hálfvitinn stofnar þræði í hvert sinn sem honum dettur í hug að leysa vind... Annar hálfvitinn skrifar níð um hvern sem honum dettur í hug... Og við hin erum þeir hálfvitar að æsast öll upp og svara þessum sauðum eins og í kappræðu....
Ég persónulega hef nóg annað að gera en að ala upp illa ritfæra, treggáfaða, fordómafulla hávaðabelgi - sem meina kannski ekki neitt en vilja bara æsing og læti.
Elsku krúttin mín, þetta er bara ekkert gaman lengur.
Sjáumst síðar.
Nei!
Andskotinn.
Þú einblínir bara á hið neikvæða.
Hérna fer enn ýmislegt skemmtilegt fram.
Ekki fara.
Láttu ekki svona Krumpa, það er verið að vinna í málunum! Ég alla vega sit ekki þegjandi hjá þegar svona er vaðið yfir mig! Stattu frekar með okkur!
Er ekki bara málið að sníða fram hjá þessu neikvæða? Þetta er ekki í fyrsta skipti sem mannskaðurinn hér stendur í einhverskonar halla, en það er synd ef allir þeir sem hafa eitthvað gott og skemmtilegt til málanna að leggja skuli vera hraktir burt af einhverjum ólýð.
En jæja, ég styð þína ákvörðun svona til samlætis, en mun samt sem áður sakna innleggja og rita þinna.
Við megum ekki gefast upp fyrir þeim sem saurga Gestapó með alls kyns óhróðri. Komdu bara að kveðast á.
Óþarfi er að gleðja tröllin með því að hverfa til frambúðar - vjer vonum að þjer snúið aftur. Sje hægt að draga lærdóm af sögunni er hann sá að svona vandamál jafna sig oftast með tímanum.
Enga bölvaða vitleysu krumpudýrið þitt.
Þú vogar þér ekki að láta tröllin flæma þig í burtu því her er hellingur af skemmtilegum hlutum að gerast.
Ég skil ágætlega hvað þú ert að fara. Hér var einu sinni gaman. Nú er hundleiðinlegt *jafnvel* þó sumarfríið sé nýbúið. Eflaust leiðir þetta ástand til þess að fólk með viti fer smám saman að yfirgefa Gestapóið og á endanum verða engir eftir hér nema fávitar og fífl (engin dulnefni nefnd) sem enginn vill þekkja.
Vertu sæl Krumpa.
Ég ætlaði að fara að hella mér aðeins betur yfir þennan Kristján en þá kom á daginn að hann er hættur og vonandi kominn friður á. En við viljum ekki að hann komi aftur þannig að ég er að reyna að koma á viðeigandi ráðstöfunum! EN elsku Krumpa, ekki hætta!
Ekki mikið í dag - hann gaf það í skyn að hann ætlaði að minnsta kosti að draga úr skrifum sínum.
Hvað með Colin Firth aðdáendaklúbbinn Krumpa?
Æltarðu að skilja okkur hinar eftir eins og höfuðlausan her?
Ég sem þoli ekki einu sinni Colin Firth.
Ég var bara í þessum klúbbi út af þér!
Þú ert enginn ósómi Halli minn.
Miklu frekar sómasveinn... sem er þó uppstökkur á köflum.
Mig langarsvoldið að fara með þér enn ég held þettað lagist alt bráðum .Förum hvergi. Krumpa!
Æ það er samt eitthvað svo ömurlegt þegar hann er farinn, þá fara besservisserarnir aftur að skamma okkur hin.
Krumpa, láttu ekki einhverja blábjána eyðileggja Lútinn fyrir þér. Svona gengur alltaf yfir og allt verður gott eins og í gamla daga.........
Við eigum ekki að láta einhverja vanvita stöðva okkur í að hafa gamann hérna. Það er nefnilega svo mikið af skemmtinlegu fólki hérna. Ég er t.d einstaklega skemmtinlegur og yndislegur.
Ef þú kemur aftur eftir viku, þá verður allt orðið gott aftur... sjáumst þá...
Ég íhugaði að hætta á dögunum, eftir leiðinda hrinu. Ég var sjálfur með hryðjuverkastarfsemi og hélt að það yrði mér til skemmtunar, en mér skjöplaðist hrapalega.
Þá ákvað ég bara að rifja sjálfur upp gamla tíma og fara að bulla og vitleysast sjálfur, enda er Gestapó aldrei betra en Gestapóarnir sjálfir.
Í tilefni af því langar mig að biðja þig að fara úr pottinum, þurrka þér og koma svo að spila Ólsen við mig. Skál!
Nei, Krumpa mín, maður hættir ekki bara sisvona þó ástandið sé ekki eins og bezt verður á kosið. Maður reynir frekar að bæta ástandið, hrella nýliðina svo að aumingjarnir láti sig hverfa en aðeins þeir sem falla í hópinn sitji sem betri menn, karlar og konur, á eftir.
Ekki fara, Krumpa mín, gerðu það, ekki fara, ha!
Krumpa er ekki að lesa þetta, hún sagðist vera farin og hefur ekki skráð sig inn síðan.
eina leiðin er að senda henni tölvupóst.