Riiing riiing

Halló ?

Hæ (Hæ - hvers konar kveðja er nú það eftir marga daga ? Huh, ASNI!)

Sæll elskan(heyrðu mig nú viðrini, gastu ekki dr... til að hringja fyrr, á ég svo bara að sitja við símann ??)
Hvernig er svo þarna úti ? (ætli ég fari nú ekki nærri um það, bara fyllerí og afslöppun á þessum ,,ráðstefnum.")

Tjah, þetta er búið að vera svoldið strembið, margir fundir og svona. (þú veist nú varla hvað strembið er,ódrátturinn þinn, strembið er að vera fastur hér yfir krakkaskrílnum.)

Æ, ástin mín þú mátt nú ekki vinna yfir þig. (Huh, það var þá vinna.)

Annars er þetta fínt sko, fullt af ágætisfólki hérna. (Fólki ? Sagði hann fólki ? Þetta áttu bara að vera feitir karlar, hvers konar ráðstefna er þetta eiginlega?)
Við ætluðum svo að fá okkur smábita svona í tilefni þess að ráðstefnan er að klárast. (smábita? það er miðnætti þarna úti, ætli það sé ekki frekar kampavín og kavíar með fáklæddum, lausgyrtum ráðstefnugestum.)

Æi, það var nú gott ástin, það er nauðsynlegt að borða vel þegar maður er í svona mikilli vinnutörn. (hef nú orðið vitni að svona ráðstefnupartíum, endar allt í ofdrykkju, stóðlífi og allsherjarorgíum)

Já, svo verðum við öll samferða í vélinni heim á morgun. (Já, auðvitað, þessar fraukur geta náttla ekki beðið eftir því að komast í mile-high klúbbinn, ha ? )

En gott hjartað mitt, þér þarf þá ekki að leiðast í vélinni, á ég svo að sækja þig á völlinn ? (Gæti það nú ef þú hefðir hundskast til að fara með bílinn í viðgerð, óbermið þitt, hann heldur hvorki vatni né vindi.)

Ha, nei, nei, ég fæ far með einum ráðstefnugestanna. (Já, var það ekki, þær hugsa sér vitanlega að taka nokkra létta spretti í gjótunum við Reykjanesbrautina. Druslur.)

Jæja, hjartahnoðrinn minn, fínt er, ég þarf líka að þvo og svona. (larfana þína, letiblóðið þitt, sem þú skilur eftir eins og hráviði um alla íbúð.)

Sjáumst þá á morgun, gullið mitt, ég elska þig.

Elska þig meira (Svo geturðu bara fengið einhverja af þessum fínu ráðstefnugellum með brókarsóttina til að nudda úr þér flugþreytuna, ekki ætla ég að gera það.)
Kiss kiss, snúðurinn minn.

Bless...