Ég er orðin fastagestur ! Mér tókst það ekki með fjasi um ekki neitt heldur var hvert innlegg frá mér sem glitrandi perla, meitlað og innihaldsríkt. Þá er ég komin á bls.4 á lista heimavarnarliðsins. Og allt þetta hef ég áorkað á fimm dögum. (Reyndar hefur lítið annað verið gert á þessum fimm dögum).
Í ljósi þessa merka áfanga hyggst ég nú stilla veru minni hér í skynsamlegt hóf (var að líta yfir ,,hverjir eru inni"-þráðinn og ég er bókstaflega alltaf inni), bæði í þeim tilgangi að sinna lítilsverðari þáttum lífs míns (heimili, starfi, námi og fjölskyldu) og eins svo að þið fáið ekki leið á mér alveg strax - allt í lagi að halda út vikuna áður en fólk er komið með leiða á manni.
Þakka hlýjar og góðar móttökur og skjáumst fljótt - þó að ekki verði jafnoft og undanfarið.