Sundkennslu aflýst! - Ef þú lærir ekki að bjarga þér fyrir eigin rammleik - átt þú það á hættu að drukkna.
Það er agalega gaman að vera klár! - Sérstaklega þegar maður getur haft vit fyrir öllum hinum; sauðsvörtum almúganum.
Stórkostlegt er til þess að vita að þessum heimi sem ég tel mig vera hluta af, séu flestir vel og gott betur meðvitaðir um það hvernig eigi að stjórna honum, og um hvað þetta brölt okkar snýst
. Ég á við það vandamál að etja að vera andlegur ammlóði og veit lítið annað en það hvenær ég ætla næst að sinna þeim dýrslegu grunnþörfum sem á mig herja dag hvern - enginn friður! Maður situr þó löngum stundum og biður um svör en endar dauðadadrukkin á glapstigum efans. En þá er eimmitt gott til þess að vita að þarna úti og við hliðina á manni á leiðinni - númer 6, eru alltaf, já ég skrifa ALLTAF - einhverjir og flestir sem vita nákvæmlega hvernig gang mála er háttað.
Sjálfæðismaðurinn segir allt blátt vera fagurt, en grænt magurt. Þeir blóðrauðu boða sameiningu eftir talsverða sundrun með tilfallandi mannfalli. Vinstri grænir eru svo örhenntir að þeirra síðasta tak yrði aldrei með báðum höndum því það vita það allir að íhaldið er stór hættulegt.
Runninn á í heilögu stríði við heilagleikann sjálfan og mun aldrei njóta ásta 70 hreinna meyja í faðmi alfegurðarinnar, því hann sér jú ekki og jafn illa og Binni Látni. Báðir fórna leyfum hins fallega í mannssálinni fyrir sjálfa sig - undirlægjur hins sama Guðs sem allt gott gerir - er bara stundum í pásu og nennir ekki að líta eftir einhverjum öpum sem uppskriftin misheppnaðist hvort sem er að. "Þeir hljóta að verða búnir að eyða sér innan skamms og þá má bara malla í nýja hræru". -"Það versnar varla úr þessu!"
Allir vita allt nema ég veit bara minna.
Tölvusalinn á horninu sagði mér að tölvurnar væru framtíðin sem þó er komin og jafnvel farin áður en við vitum af, eða ég í það minnsta er bara einn sveinn á sveimi í heimskunnar geimi! - Að sjá það ekki að maðurinn og hans verk eru framtíðin.
Eitt er ég þó alveg með á hreinu, tandurhreinu sem fegurð andstæðna þessa heims: það eina sem sameinar okkur mennina er óvissan! - Við vitum ekkert hvað við erum að gera. Það er annað mál að telja sig vita það.
Ekki skildi ég nú mikið af þessu, en hvernig líst þér að að gerast meðlimur í Kommúnistaflokki Baggalútíu, félagi?
Sjálfur er ég staddur í Sovét að semja. Skoða tilboðið þegar ég kem heim til þess að leggja landið undir mig. - Ætla samt ekki að eiga við það mök!
Eru Sovétríkin ekki annars liðin undir lok, illu heilli? Eða hef ég lifað í sótsvartri blekkingu?
Finngálgn Vá, þetta var frábær pistill, og niðurlagið maður lifandi, óvissan, og elsku óeyrðarseggurinn minn, þú ert sko ekki heimskur, það er öðru nær, láttu engan segja þér svoleiðis vitleysu. það einkennir alla andans menn, að þeir gera sér grein fyrir hvað þeir vita lítið, og þeir leita og læra allt sitt líf, hinum er aftur ekki viðbjargandi sem alltaf hafa vitað allt.
Góður Pistill.
Sæll vinur !
Ég hef alltaf mikla ánægju af pistlunum þínum og tel mig vita hvað þú ert að meina. Mér þykir samlíkingin á Runna og Binna góð og einmitt í takt við mína sýn á þessum tveimur mönnum. Sami grautur í sömu skál. Ofstækið blindar báða. Trúin misnotuð til réttlætingar. Ég á auðvelt með að gefa öðrum góð ráð, sérstaklega varðandi það sem ég á í mesta basli að framfylgja sjálfur. Jæja ég ætti eiginlega að skrifa pistil sjálfur um það sem rennur í gegnum hugann.
Óvissa um tilgang er ekki það sama og tilgangsleysi, það er þó tilgangur í leitinni.
Ok... ég las þetta þrisvar áður en ég náði nokkru samhengi... þrátt fyrir að ná samhenginu þá skil ég þetta samt ekki... skil öll orðin en ekki meiningu þeirra...
Sorrý en ég veit greinilega bara minna líka...
Þú kemur á óvart finngálkn og hafðu þökk fyrir þennan pistil. Meira af þessu.