Merkilegt apparatus sem hið Íslenzka Hljóðvarpafélag gaf til góðra viðskiptavina sinna ekki fyrir löngu síðan.
Eftir að hafa eytt æsku minni með ekki meira en eina stöð (ólst upp á fátæku heimili þarsem við áttum ekki einusinni efni á stöð2) var það bylting þegar ég fékk svokallaðan 'capal' þegar ég flutti til Danmark. Að vísu voru flest allar stöðvar með þýskara að tala sitt undarlegu tungu (en sem er samt fagra á einhvern undarlegan hátt). Ég eyddi gelgjuárum mínum í að horfa á polka-þætti og horfa á 'Alf' að tala þýsku
Jæja... fíkn minni fyrir eigi-íslenzkum sjónvarpstöðum varð að svala þegar ég flutti aftur til föðurlandsins, svo ég ákvað að eyða peningum mínum í þetta 'fjölvarp'.
Og nýlega ákvöðu eigendur fjölvarpsins að verða stafrænir og gáfu mér, frítt, eitt stykki apparatus með nýtýskulegum stöfum framan á sem segja 'Digital Ísland'... undarleg notkun á íslenzkri tungu verð ég að játa, en ég á víst engann rétt á því að kvarta.
Fyrstu dagana eyddi ég í að reyna að stilla þetta apparatus og fá það til þess að sýna það sem ég borgaði fyrir. En það eina sem ég fékk var einhver áróðurstöð kölluð eftir einhverjum ref og nokkrar stelpur að sýna beran bossan sinn á skjánum.
Nokkrir dagar eru liðnir og loksins er þetta nú byrjað að virka. Nú get ég byrjað að fylgjast með dönsku fréttunum og horfa á teiknimyndir allan daginn (og alla nótt líka), auk þess að ég get spilað hið sovjéska kubbaspil þegar mér leiðis.
Þetta tekur nú allt sinn tíma, og fer það aðeins í taugarnar á mér... en hvað slær það út að horfa á danska 'TV Avisen' á meðan maður spilar kubbaspil?
gef 1 stjörnu fyrir þjónustu
3 stjörunr fyrir teiknimyndir tuttuguogfjögur/sjö
5 stjörnur fyrir DR1 og kubbaspil saman
...ætli það sé ekki eitthvað um þrjár stjörnur?
-Mér þykir þú góður að hafa fundið einhverja stöð með þessari stafrænu brauðrist, -ekki fann ég neina.
Hæhó ! Eru berrassaðar stelpur þarna ? Heittelskaður sagði mér að það væri bara alls ekkert klám þarna ! Fussumsvei - hvað ætli vaki fyrir honum ?
Ég held að við ættum öll að kaupa klám einu sinni. Og svo aldrei aftur. Svo gætum við látið klámið ganga á milli. Ég meina, það væru einhverjir 2 milljarðar klámspóla í gangi. Maður fengi ábyggilega aldrei tvisvar það sama.