Það er ekki laust við að smá fiðringur hafi farið um mann í gær þegar fyrstu skrefin inn á bar 11 voru tekin. Þarna bjóst ég við að sjá lið sem var grænt og blátt og rautt í framan en mér til mikillar undrunar þá var engin á staðnum með undarlegt litarhaft...nema stundum Frelsishetjan en það er önnur saga. Ritstjórnin bauð okkur öll velkomin og Mikill Hákon hélt smá tölu um okkar glæsta Gestapó. Skabbi Skrumari var með ákavítis smökkun sem heppnaðist stórkostlega og allir voru ánægðir með drykkinn skilst mér, Hilmar Harðjaxl lagði hins vegar ekki í veigarnar en sagðist ætla að bragða á þeim eftir 3 ár, þegar hann hefur aldur til.

Ritstjórn kallaði eftir ró í salnum og afhenti viðurkenningar og verðlaun af hinum og þessum toga. Til að mynda fékk órækja viðurkenningu fyrir að hafa bjargað nef íkornanum úr útrýmingarhættu, Frelsishetjan var valin óvinsælasta stúlkan og aðrir fengu viðurkenningu fyrir það að hreinlega vera frábær. Vel að verki staðið á alla kanta.

Að öllum skipulöguðum dagskrárliðum loknum og afhendingu baggalútanna (sem sumir virtust ætla að borða, sá meðal annars Órækja hends honum upp í sig og Frelsi smjattaði í óratíma), þá héldu samræður manna á milli áfram við undirspil frábærrar tónlistar.

Ég bíð spenntur eftir næsta atburði Baggalúts og legg til að Ritstjórnin fái ferfalt húrra frá okkur öllum! Ef ég líki árhátíðinni við tening þá vil ég gefa 5 stjörnur á alla kanta = 30 stjörnur í heildina