Frá því ég var barn að aldri hefur mér þótt það ómissandi undirbúningur að páskunum að hlusta á Passíusálmana flutta í útvarpinu. Er þó ekki að segja að ég hlusti á þá alla heldur þegar ég hef næði til.
Karl Guðmundsson leikari les þá í þetta sinn. Talað er um að að menn lesi með tilþrifum. Það gerir Karl ekki. Hann les þá á mjög hæverskan, áreynslulausan og einlægan hátt og með nútíma framburði. Hann sleppir að láta orð sem ekki ríma, ríma. Leggur ekki óþarfa áherslur á orð.
Það er eins og hann sé að lesa sögu.
Ég hef á tilfinningunni að hann lesi þá eins og á að lesa þá.
Hvet fólk til að hlusta kl. 22:15.