Útgáfubækur
Jentcs Zimmon
Undirstöðurit í dýra- og atferlisfræðum.
Zimmon hefur gefið út fjölda greina og ritgerða en þetta er fyrsta reglugerðabók sem hann sendir frá sér.
Í bókinni má finna allar helstu reglur og boðorð sem tengjast meðferð og umgengni við fugla, hvort heldur sem það eru íslenskir spörfuglar, spænskar mörgæsir ellegar amerískir kondórar.
Leiðbeinandi verð: 18.999 kr.
Brot:
10 REGLUR UM FÖNGUN SÆNSKRA JÖKLASKRÆPNA- Hafið meðferðis barefli.
- Jöklaskræpan er sérlega vör um sig, en auðvelt er að fanga athygli hennar með hressilegum söng.
- Karlfuglinn er sólginn í tóbak, hafið meðferðis dós af góðu munntóbaki og bjóðið honum í nefið.
- Látið sem þið sjáið ekki fuglinn, skræpan er afar athyglissjúk og mun fljótlega reyna að vingast við yður.
- Hafið meðferðis áhrifaríkt eitur.
- Hafið meðferðis góða bók og lesið upphátt úr henni nálægt varpstöðvum jöklaskræpunnar, en hún er afar listhneigð og gefin fyrir góðar bókmenntir. Reynið þó ekki að bjóða fuglinum upp á eitthvert rusl.
- Kvenfuglinum þykir ákaflega leiðinlegt að liggja á eggjunum. Auðvelt getur reynst að lokka hana frá eggjunum með gylliboðum um t.d. bíóferð ellegar einn kaldan.
- Hafið meðferðis sekk.
- Jöklaskræpan er afar gagnrýnin á músík. Hafið meðferðis grammafón og leikið færeysk danslög. Fuglinn mun von bráðar ráðast á fóninn.
- Hafið meðferðis skotvopn.
