Baggalútur óskar landsmönnum gleðilegs sumars um leið og við færum ykkur sérstakan sumarfögnuð, lagið Gleðilegt sumar.
Það er hirðsveit Bagglúts, Thundervolt með erkitenórinn Tony Ztarblaster í fararbroddi, sem flytur lagið.
Upptökur, hljóðblöndun og eftirvinnslu annaðist Guðmundur Kristinn Jónsson.
Sérlegar þakkir fá Þráinn Árni Baldvinsson, Jón Geir Jóhannsson, Skúli Sigurðsson,
Karl Olgeir Olgeirsson og Sigurður Guðmundsson.
Veskú!
|
Texti:
GLEÐILEGT SUMAR
sumarið er komið á ný úrkoma í grennd og skyggni er nánast ekkert - alls ekkert þjóðin kaupir blöðrur og ís frostbitin börn og skátar á hverju strái - helbláir nú setjum við upp húfu og vettlinga og fjölmennum með nefrennsli í skrúðgönguna þó hvorki bóli - á sumri né á sól - þá fögnum við samt í skítakulda á sumardaginn fyrsta norðanátt - og grenjandi rigning á sumardaginn fyrsta ef það kemur örlítil sól þá æðum við út - á sandölum og stuttum pilsum - með öllu hímum svo í kös niðrí bæ með gaddfreðin glott - út að eyrum gleðilegt sumar - aular við hlýðum dofin á ræðurnar og lúðrasveitin frosin föst við básúnurnar þó hvorki bóli - á sumri né á sól - þá fögnum við samt í skítakulda á sumardaginn fyrsta norðanátt - og grenjandi rigning á sumardaginn fyrsta gleðilegt sumar - hlaupið í skjól því lóan er flúin til Costa del sol í skítakulda á sumardaginn fyrsta norðanátt - og grenjandi rigning á sumardaginn fyrsta |
Myndir úr hljóðverinu:
|
