Baggalútur

– Forystugrein –

Enter

Hvaða mölúldni og maðkétni óþverri hefur eiginlega fengið að viðgangast í þessari bann- og skuldsettu Orkuveitu okkar? Fordæmalaus óráðsía, gegndarlaust fimbulsvínarí og linnulaust gleðispreð með almannafé.

Fussumfokkingssvei.

Ég legg hér með til og mæli um að eigendur þessa útmigna sandkassa helstu gæludýra borgaryfirvalda, reki alla oföldu orkuboltana öfuga út úr þessu bruðlhýsi án tafar og komið þeim fyrir í látlausu húsnæði annars staðar í borginni. Það er t.d. ágætis hús á horni Suðurlandsbrautar og Gernsásvegar, sem gæti hentað starfseminni fullkomnlega.

Orkuhreiðrinu mætti svo gjarnan breyta í leikskóla – með heimsins stærsta boltalandi í anddyrinu.

1/9/10 • • Lesbók

Eitt ódýrt dróttkvæði um virki Davíðs

Egill Skallagrímsson

Hæli veit á hóli
hirðmenn þrír þar hírast.
Þrár er þeirra herra
þekkist valdboð ekki.
Ólmast bál án beisla
björt í Svörtuloftum.
Efa eg að Davíð
út úr hlýju flýji.

7/2/09 •

• Þjóðblogg

Hin eilífa spurn

Halldór Kiljan Laxness

Hvunær setur maður skóinn útí glugga og hvunær setur maður skóinn ekki út í glugga.

4/12/07 •

• Þjóðblogg

Pönnukökuskjáadekur

Enter

Hvað í grængolandi gallblöðru andskotans á það að fyrirstilla að klemma saman annan hvern dagskrárlið í sjónvarpinu mínu? Vesalings offeiti, rassíði túbuskjárinn minn er meira og minna svartbröndóttur öll kvöld.

Þeð er ekki nóg með að maður sé með blússandi minnimáttarkennd gagnvart greiðsludreifðu, krossfestu pönnukökuskjánum sem fylla allar stofur - heldur á nú líka að skafa upp og ofan af dagskránni hjá þessum fáu vesalingum sem enn sápa í sér heilann með túbufroðunni.

Ætli maður fái afslátt af afnotagjöldunum í samræmi við þessa villimannslegu sjónskerðingu?

Eða á maður bara að sætta sig við þetta, sem sjálfsagðan hluta af blessaði kreppunni?

29/5/08 • • Lesbók