Jæja þá.

Þá er þessari verðlaunasamkundu lokið. Baggalútur fór ekki tómhentur frá þessu samsæti heldur hlaut vefurinn verðlaun sem besti afþreyingarvefurinn. AFÞREYINGAR!

Þrátt fyrir að íslenska vefelítan hafi kosið að niðurlægja félagið með þessum hætti og sniðganga við veitingu verðlauna fyrir besta vefinn tókum við allir við verðlaununum; basaltfartölvu af fullkomnustu gerð.

Svo má vera að vefelítan líti á Baggalút sem afþreyingarvef, en einkunnarorð Baggalútsmanna fengu að hljóma í hljóðkerfi hótels Sögu í dag: LIFI SANNLEIKURINN!