Við Kaktuz fengum okkur spássitúr í gærkvöldi eftir Ægissíðunni og inní Nauthólsvík. Mikið er nú gaman að sjá hvernig allt það harðduglega fólk sem byggir Skerjafjörðinn hefir komið sér vel fyrir þarna við sjávarsíðuna. Maður hreinlega les blóð, svita og tár úr hverri fjöl, hverjum múrsteini, hverri flís. Við urðum klökkir félagarnir af að sjá hvernig bláfátækt fólk hefur stritað til að koma undir sig fótunum á þessum harðbýla stað við hafið.

Kaktuz var eins og venjulega að stríða mér, hann er óttalegur grallaraspói. Hann hafi sett dauða rottu í jakkavasann minn. Hann er nú alveg ótrúlegur prakkari (ha ha ha).