Lesbók28.02.02 — Dr. Herbert

Í gær lauk þriggja vikna umsátri mínu og hlerun á nágrannaskrifstofu Baggalúts í útlöndum. Þar hefur aðsetur sorpfréttastofa að nafni Reuters og hef ég allt frá opnun þeirra grunað þá um njósnir og fréttastuld. Ég hef nú aflað mér óyggjandi sannana. Það mun ljóst að réttarhöld koma ekki til greina þar sem þau gætu uppljóstrað niðurstöður afar mikilvægra rannsókna sem enn sem komið er þola ekki ásjónu almennings. Því brá ég á það ráð í dag að fara í atvinnuhúsnæðisleit um betri hverfi Lundúnarborgar. Sökum þess hve viðkvæm starfsemi utangarðsskrifstofu Baggalúts er reyndist ekki auðvelt að finna viðunandi húsnæði. Auk hefbundinnar fréttastarfsemi kemur jú til ýmiskonar rannsóknarvinna og viðkvæm tilraunastarfsemi sem kallar á miklar öryggiskröfur. Þær ná ekki aðeins til húsnæðisins sjálfs, heldur hverfisins og umlykjandi hverfa og staðsetningu þeirra í hinum harmóníska alheimi. Sem dæmi má nefna hámarksfjarlægð frá söltum sjó, miðbaugi og neyðarmóttöku. Eftir að hafa rambað um stræti Lundúnarborgar frá klukkan 5 í morgun rakst ég loks um hádegisbilið á undarlega kúlulaga byggingu (norðan) við Thames í North Greenwich sem virðist standa auð. Ég hef mælt mér mót við eigendurna kl 13 á morgun og sent boð eftir Myglari gjaldkera.

 
Enter — Forystugrein
 
Enter — Forystugrein
 
Enter — Sálmur
 
Númi Fannsker — Forystugrein
 
Enter — Sálmur
 
Spesi — Forystugrein
 
Númi Fannsker — Forystugrein
 
Enter — Forystugrein
 
Enter — Forystugrein
 
     1, 2, 3 ... 180, 181, 182