Lesbók31.03.05 — Númi Fannsker

Ég var að fá afskaplega athyglisverðan tölvupóst frá Aridu Arafat, en hún missti manninn sinn nýlega úr dularfullum sjúkdómi. Svo virðist sem eiginmaður hennar hafi verið leiðtogi Palestínumanna um nokkurt skeið og hann hafi geymt nokkuð af skattpeningum þjóðar sinnar á eigin bankareikningum - sjálfsagt í öryggisskyni.

Allavega hyggst Arida blessunin fjárfesta umtalsvert á Íslandi og óskar eftir aðstoð minni við að flytja fé til landsins, en fjármálavit mitt er á hvers manns vörum eftir að ég seldi 50 fermetra íbúðarholu í Vesturbænum á 26 milljónir um daginn.

Við erum ekki að tala um neina smápeninga hérna, 120 milljónir bandaríkjadala, sem er dágóður slatti. Ég þarf bara að leggja höfuðið í bleyti og finna upp á einhverju sniðugu fyrir hana að kaupa.

Ég er að hugsa um að ráðleggja henni að leggja þessa peninga inn á reikninginn minn, þannig að ég geti fjárfest fyrir hana - t.d. í loðdýrarækt - eða laxeldi. Svo er náttúrulega húsnæðisverð á hraðri uppleið.

 
Enter — Forystugrein
 
Enter — Forystugrein
 
Enter — Sálmur
 
Númi Fannsker — Forystugrein
 
Enter — Sálmur
 
Spesi — Forystugrein
 
Númi Fannsker — Forystugrein
 
Enter — Forystugrein
 
Enter — Forystugrein
 
     1, 2, 3 ... 180, 181, 182