Lesbók22.03.02 — Fannar Númason Fannsker

Á reglulegu flakki mínu um Veraldarvefinn á dögunum rakst ég á merkilegan texta. Þetta var á þriðjudagskvöldi og ég hafði vappað sísvona inn á vef Alþingis. Ég skoðaði mér til skemmtunar samantektir um þingmenn og hafði gaman að; hló t.d. mikið og dátt að myndunum sem eru prýðilegt skemmtiefni. Eftir þessa skemmtan tók ég til við að fletta í gegnum þau lög sem Alþingi hefur sett í gegnum tíðina og komst að raun um að þau eru ekki síðri skemmtun en bjánalegar myndir af þingmönnum. Á þessari skemmtisiglingu minni um öldur Internetsins veiddi ég svo uppúr gagnagrunni Alþingis lög frá 1938 nr. 16 13. janúar, um að heimila í viðeigandi tilfellum aðgerðir á fólki, er koma í veg fyrir, að það auki kyn sitt.Ríkisvaldið hefur samkvæmt lögunum rétt til að láta framkvæma á fólki sem fellur undir skilgreininguna "viðeigandi tilfelli", læknisfræðilegar aðgerðir. Aðgerðirnar skiptast í þrennt:

1. Afkynjanir - þá eru "kynkirtlar karla eða kvenna numdir í burtu eða þeim eytt þannig, að starfsemi þeirra ljúki að fullu"2. Vananir - þá eru "sáðgangar karla eða eggvegir kvenna hlutaðir í sundur eða þeim á annan hátt lokað varanlega þannig, að slitið sé sambandi milli kynkirtlanna og hinna ytri getnaðarfæra".3. Fóstureyðingar - þarfnast ekki frekari útskýringa.

Ekki dreg í efa að slíkar aðgerðir eru nauðsynlegar til að t.d. alvarlega þroskaheftir (eða "fávitar" eins og þeir eru kallaðir í lagatextanum) auki ekki kyn sitt. Vananir og fóstureyðingar eru framkvæmdar á Íslandi eins og menn vita, það þykir ekki tiltökumál. Ég hnaut hinsvegar um reglur um afkynjanir, þar sem svo virðist sem hendur yfirvalda séu bundnar þegar kemur að meðhöndlun kynferðisglæpamanna.

Í lagatextanum stendur: "Afkynjun skal því aðeins leyfa, að gild rök liggi til þess, að óeðlilegar kynhvatir viðkomanda séu líklegar til að leiða til kynferðisglæpa eða annarra hættulegra óbótaverka, enda verði ekki úr bætt á annan hátt. Leyfi til afkynjunar veitist aðeins eftir umsókn viðkomanda sjálfs eða lögreglustjóra, og þó því aðeins, að dómsúrskurður sé á undan genginn".

Hvað ætli lögreglustjóri hafi óskað eftir að fá að afkynja marga glæpamenn sem hafa "óeðlilegar kynhvatir sem eru líklegar til að leiða til kynferðisglæpa eða annarra hættulegra óbótaverka"? Nú eru nokkrir glæpamenn dæmdir hér árlega fyrir voðaverk gegn börnum t.d., er ekki tilefni til að afkynja þá? Flesta, ef ekki alla? Hvað ætli hefði mátt bjarga mörgum sálum hefði þessum lögum verið beitt, t.d. gagnvart frægasta barnaníðingi Íslandssögunnar, sem allir vita hver er og virðist mega valsa um göturnar óáreittur, eins og honum sýnist. Væri ekki ráð að beita þeim lögum sem sett eru til varnar þegnum þessa lands þegar slíkir skíthælar ganga hér um stræti og torg eins og hverjir aðrir góðborgarar? Til hvers eru lög sem þessi ef þeim er ekki beitt???

Góðar stundir.

 
Enter — Forystugrein
 
Enter — Forystugrein
 
Enter — Sálmur
 
Númi Fannsker — Forystugrein
 
Enter — Sálmur
 
Spesi — Forystugrein
 
Númi Fannsker — Forystugrein
 
Enter — Forystugrein
 
Enter — Forystugrein
 
     1, 2, 3 ... 180, 181, 182