Baggalútur

BAGGALÚTUR

Forsíða Fréttir Lesbók Gestapó Samhverfur

PERSÓNUR:
Vaðskemill: Gríndúfa með bága geðheilsu
Dr. Rúslökkur: Hálfrækja með nátthúfu
Gromm Gromm: Þreytulegur kísilþörungur

1. þáttur: Rok í Hrædal
Sviðið:
Innst er risastór stytta af kind. Þvert yfir sviðið hefur verið lagður grænn gaddadregill. Fremst er svo rjúkandi kakó og dauður buffall. Vaðskemill situr og nagar stein. Dr. Rúslökkur kremur maura og reykir. Gromm Gromm raular fyrir munni sér og límir frímerki á buffallinn.

Vaðskemill:
Er til meira klístur? Ég þyrfti að fá svolítið meira klístur. Á annar ykkar nokkuð klístur handa mér? Það væri gott að fá dálítið klístur. Haldið þið að klístrið sé nokkuð búið? Það gæti komið sér vel að hafa klístur svona upp á prinsippið að gera. Er klístrið kanski búið? Þá þyrfti að kaupa klístur. Ég sé ekkert klístur. Hvar ætli allt klístrið sé sem var hérna? Klístur, klístur.

Dr. Rúslökkur:
Það mætti segja mér að veðrið héldist ekki svona lengi. Þið getið séð jökulinn þarna austurfrá, hann veit ekki á gott. Best gæti ég trúað að einhver skollinn sé hlaupinn í veðrið. Það boðar ekkert gott þegar jökultopparnir dúa svona.

Gromm Gromm:
Hvað ætli svona buffall kosti? Svona fínn Buffall. Ég gæti vel hugsað mér að eiga svona Buffal. Ég hef bara svei mér ekki efni á svona fínum Buffal. Það væri ekki nema ég mundi selja eitthvað af ísnum mínum. Spurning hvort einhver kaupi svona mikinn ís? Þetta er annars fínn ís; grænn og sleipur.

Per Flekatúpa kemur hlaupandi eftir græna dreglinum og étur sviðið.