Eins og við var að búast eru menn mishrifnir af nýmóðins útliti Bagglúts. - Sumir eru ofsahrifnir, aðrir æfir - það verður bara að hafa það.

Einhverjir tæknilegir örðugleikar hafa komið upp og biðjum við notendur að vera duglega að kvarta í Gestapó - og við munum reyna að leysa úr vandkvæðum sem flestra, ég veit t.d. að makkintossar eru margir ósáttir og kvarta yfir að síðan 'fljóti út og suður', eins og það var orðað.

Gestapó gengur nú gegnum mikið tilraunaskeið og mun hún efalítið taka talsverðum breytingum á næstu dögum. Gestir virðast ragir að nýskrá sig og næla sér í notendanafn, en við bendum á að vel er hægt að taka þátt í umræðum án þess að vera skráður.

Góðar stundir.