Skjótið yfir markið, skjótið undir beltið,
skjótið út í loftið — hvæsið, urrið, geltið.
Skjótið niður veggi, skjótið niður múra,
skjótið niður fordóma sem djúpt í skuggum lúra.
Skjótið fast á hræsni, skjótið beint á valdið,
skjótið út í myrkrið — rífið niður tjaldið.
Skjótið niður heimsku, skjótið niður hræðslu
skjótið niður hugleysi og öfugsnúna fræðslu.
En ef þið skjótið hatri á hjörtu sem að tifa
þið hæfið aldrei frelsið — það mun alltaf lifa.