Baggalútur

Dagbók – Númi Fannsker

Númi Fannsker

Nú eru allir að tala um píkur. Hvort þær megi vera loðnar eða megi ekki vera ekki loðnar. Hvort fólk eigi að láta breyta á sér píkunum eða eigi ekki að breyta þeim. Eða ekki breyta þeim ekki. „Hina fullkomnu píku“ hefur líka borið á góma í umræðum undanfarið. Þetta er skemmtilegt.

Píkur eru nefnilega svo skemmtilegar og frábærar. Svo er líka bara svo óendanlega gaman að skrifa og segja þetta orð; píka. Píkapíkapíkapíka.

Soddan. Þá er ég búinn að því þennan daginn.

Einu sinni enn... Píka!

9/5/12

Fréttir

Enter – 23/5/13

Ný ríkisstjórn verður í háskerpu

Enter – 21/5/13

Kolbeini kapteini meinaður aðgangur að kommentakerfum

Enter – 20/5/13

Paul McCartney semur fyrir Brúðubílinn

Enter – 18/5/13

Norður–Kórea lýsir yfir sigri í Eurovision

Númi Fannsker – 16/5/13

Búin að eyða endurgreiðslunni

Útgáfa

Lesbók frá fyrri tíð

Baggalútur - Ársuppgjör

Hagnaður Baggalútssamsteypunnar á árinu 2003 var 14.744 milljónir króna (mkr.). Rekstrarhagnaður fyrir afskriftir og fjármagnsliði var 28.345 mkr. og veltufé frá rekstri var 15.136 mkr. Arðsemi eigin fjár var 46% á árinu.

Heildarhagnað samsteypunnar má aðallega rekja til hagnaðar af mansali, prentun gjaldmiðla og bjórsölu Bagalot Holdings Ltd. í Nígeríu. Einnig skiluðu umfangsmikil fasteignakaup Bach&Laute í Chile töluverðum umtalsverðum hagnaði og eins sala Bälut F.C. á færeyska knattspyrnumanninum Reginvald frá Koppi.

Afkoma Beagleloot enterprizes. olli vonbrigðum og nemur tap starfseminnar 3.684 mkr. á árinu. Þar hefur mest áhrif styrking krónunnar á árinu og lægra afurðaverð í erlendri mynt, auk aukinna afskipta þýskra yfirvalda af skipulögðu vændi og spilavítum félagsins. Þá voru aflabrögð einnig lakari en gert var ráð fyrir, einkum í apa og sebrahesti.

Töluverðar breytingar urðu á eignasafni Baggalúts á árinu 2003. Samtals voru hlutabréf keypt fyrir 104.641 mkr. og seld fyrir 120.000 mkr. Keypt voru bréf í kínverska ofnafyrirtækinu XPing, sænska vopnarisanum ShockHolm, ástralska búmerangframleiðandanum BackMate og nokkrum minni olíufyrirtækjum í Yemen og Oman.

Rekstur Baggalúts mun taka nokkrum breytingum frá því sem verið hefur á árinu 2003. Ákveðið hefur verið að sameina dóttufélög samsteypunnar í Rússlandi, Úkraínu og Finnlandi og verður sameinað félag rekið undir nafninu TundricLaugh ltd., og mun félagið einbeita sér að rekstri fjölmiðla og framleiðslu skemmtiefnis fyrir fullorðna. Flutningastarfsemi á sjaldgæfum dýrum, gíslum og menningarverðmætum verður verður skipt milli Slavia ltd. í Kongó og BorrowedStuff í Alsír.

Almennt eru góðar horfur í efnahagslífi og því má gera ráð fyrir að afkoma verði áfram góð. Afkoma starfseminnar ræðst þó vissulega af þróun á heimsmarkaðsverði sterkari eiturlyfja og hvernig til tekst með að koma af stað stríði í ríkjum Mið-Ameríku. Að öllu óbreyttu verður þó heildarafkoma félagsins á fyrsta ársfjórðungi geðveikislega góð.

Aðalfundur Baggalúts fyrir starfsárið 2003 verður haldinn í höfuðstöðvum samsteypunnar, föstudaginn 19. mars 2004, kl. 16. Lögð verður fyrir aðalfund tillaga um að um að greiða 65% arð til hluthafa af nafnverði hlutafjár og tillaga um að veita stjórn heimild til kaupa á fjórum hitabeltiseyjum til viðbótar auk nýrrar snekkju og/eða háhýsis fyrir stjórnarfundi.

Enter 26/2/04