Í tilefni af því að fremsti hugsuður vorra tíma ætlar að láta gamm sinn geisa í aflögðu kvikmyndahúsi í Vesturbænum í dag, hefi ég tekið saman þær 10 spurningar sem ég vildi fá að leggja fyrir hugsuðinn.
1. Hver er tilgangurinn með pestói?
2. Hvaðan kemur allt þetta ryk?
3. Hvort er réttara að segja túmatur eða tómatur?
4. Hvað er Capers?
5. Ef lögmálið um framboð og eftirspurn er rétt, hvernig útskýrirðu þá Framsóknarflokkinn?
6. Ef kvaðratrótin af 4 væri ekki tveir - hver væri hún þá?
7. Afhverju tekur Ísrael þátt í Eurovision?
8. John eða Paul?
9. Hversu líklegt er að ABBA komi saman aftur?
10. Ertu ekki annars góður bara?
Rétt er að vekja athygli á að samhverfurnar eru aftur aðgengilegar, undir 'Söfn - samhverfur'.
Samhverfur eru orð eða setningar sem lesa má jafnt afturábak sem áfram. Það þykir mikil og góð íþrótt í mörgum löndum að hnoða saman samhverfum, en af einhverjum ástæðum hefur það verið að mestu vanrækt hér á landi.
Við hvetjum lesendur að senda okkur samhverfur sem þeir rekast á og munum við reyna að birta þær eftir föngum.
» Sálmar | » Gagnrýni | » Sögur | » Leikrit | » Siðir | » Heimsljós
